Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

      Индонезиянинг Шимолий Суматра вилоятининг Медан шаҳрида Қуръони Карим тарихи музейи очилди. Музей кўргазмалари ичида Қуръони каримнинг 22 та тарихий қўлёзмалари бор бўлиб, улар Индонезиядаги энг қадимий нусхаларидан бири ҳисобланади.

Музей очилишида сўзга чиққан Шимолий Суматра вилояти ҳокими Эди Рахмаяди: “Қуръони каримнинг кўпгина тарихий нусхалари вилоятнинг Барус туманида топилган.  Айнан шу туман орқали Ислом дини Шимолий Суматрага кириб келган. Қидирув ишлари натижасида биз 250 йил бўлган нусхаларни топдик. Бу нусхаларнинг барчаси музей кўргазмасига қўйилган", дейди.  

 Шунингдек, вилоят ҳокими бу тарихий қўлёзмаларни қидирув ишларида ва музей кўргазмалари ичидан жой олишига  яқиндан ёрдам берган  профессор  Ичуан Азҳарига ўз миннатдорлигини билдирди.

Мадина  Джураева таржимаси