Йўқолган мол қиссаси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кечаларнинг бирида бир киши имом Абу Ҳанифа ҳузурларига бориб:
— Эй имом! Мен анча вақт олдин молимни бир ерга кўмган эдим, лекин жойини унутдим. Менга шу мушкул ҳолатда ёрдам бера оласанми? — дебди.
Шунда имом:
— Бу ҳолатда сенга ёрдам бериш фақиҳнинг иши эмас, — деб бир лаҳза ўйланиб қолибди. Сўнгра: — Бор, эрталабгача намоз ўқи. Иншааллоҳ, молнинг жойини эслайсан, — дебди.
Киши уйига бориб, намоз ўқишни бошлабди. Бироз вақт ўтиб, намоз асносида тўсатдан молнинг қаерга кўмгани эсига тушибди. Тезлик ила у ерга бориб, молни топибди. Эрта тонгдан имом Абу Ҳанифанинг ҳузурларига келиб, мол билан бўлган тасодифий воқеа хабарини бериб, раҳмат айтибди. Сўнгра:
— Молнинг жойини эслашимни қандай билдингиз? — деб сўрабди. Шунда имом:
— Мен шуни биламанки, албатта, шайтон намозни хотиржам ўқишингга қўйиб қўймайди, сени намозингда молингни эслашлик ила машғул қилади, — дедилар.

Зебунисо Дилшод қизи таржимаси

Муаллиф
Мавзуга оид мақолалар
Маълумки, шариат истилоҳида рўза тонг отгандан то қуёш ботгунича ният билан рўзани очувчи нарсалардан ўзни давоми...

15:26 / 02.05.2019 4367
Абу Ҳурайра розияллоҳу анҳудан ривоят қилинади «Набий соллаллоҳу алайҳи васаллам қачон инсонни уйланган давоми...

09:49 / 27.10.2016 15788
Одатда ҳар бир ишнинг ўз ҳикмати бўлади. Жумладан, бутун жаҳонга тарқалган вирус сабабли дунё аҳолиси давоми...

01:40 / 06.04.2020 4005
Пигментли доғлар ва пигментсиз доғлар мавжуд. Пигментли доғлар туғма бўлиши мумкин, шунингдек, давоми...

13:45 / 24.11.2016 26358