Саудиялик олим кўзи ожизлар учун электрон мусҳаф яратиш устида ишламоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кўриш қобилияти чекланган кишилар ҳаётда кўп қийинчиликларга дуч келади. Бу ҳатто Қуръон ўқиш каби диний амалларни бажаришда ҳам учрайди.

Технология тараққиёти самараси ўлароқ, саудиялик ихтирочи Машъал Ҳарасоний кўзи ожизларга Қуръони каримни ўқишни осонлаштирувчи рақамли мусҳаф устида ишламоқда, деб хабар берди Аrabnews нашри.

Машъал Ҳарасоний Қирол Абдулазиз Университетида маслаҳатчи бўлиб ишлайди. У 13 ёшидан буён турли ихтиролар қилиб, ҳозирда унинг 50 дан ортиқ ижтимоий-гуманитар соҳадаги ихтиролари бор.

«Бу электрон доска бўлиб, унда 28 белги бор. Ҳар бир белги олтита брайл ҳарфини ўз ичига олади. Досканинг бир саҳифасида 28 қатор бор, – деб тушунтиради Ҳарасоний. – Кўриш қобилияти чекланган инсонлар унинг ёрдамида Қуръонни осонгина ўқишлари, саҳифалар ичидан излашлари мумкин. Унда Қуръон тўлалигича жойлаштирилган».

Машъал Ҳарасоний рақамли Қуръоннинг аҳамиятини шундай тушунтиради: «Кўзи ожизлар учун Қуръонни брайл ёзувида олтита катта жузли китобдан ўқишади. Бу уларнинг бирор оят ёки сурани топишларига қийинчилик туғдиради. Ўлчамлари катталигидан уларни олиб юриш ва жойлаштириш ҳам осон эмас».

Ҳарасонийга бундай қурилмани ясаш фикри Мадинадаги Қирол Фаҳд Қуръони каримни чоп қилиш имконияти чекланганларга Қуръон ўқитиш ҳақидаги семинарда иштирок этиш учун келганида туғилган эди. Унинг ихтироси ҳали ҳам ишланмоқда ва бир йил ичида тақдим этилиши кўзда тутилган. Ҳарасонийнинг сўзларига кўра, унинг ишчи жамоасининг бир қисми кўриш қобилияти чекланган инсонлардир.

Манба
Мавзуга оид мақолалар
Германия пойтахти Берлин шаҳрида янги туғилган чақалоқлар учун энг кўп қўйилган исм Муҳаммадrdquo исми ҳисобланадиrdquo, деб хабар беради, germania.one нашри. 2019 йили давоми...

14:33 / 17 май 616
Дунё мусулмонлари ҳақида 10 та фактБугунги глобаллашган оламда, мусулмонларнинг турли миллат вакилларидан ташкил топганлигини яхши биламиз. 2015 йилги Pew Research Center давоми...

15:53 / 02 май 1556
ТОЖСИМОН ВИРУС САБАБ ҒАРБДА ЎРАНГАН МУСЛИМА АЁЛЛАРГА НИСБАТАН ҲУРМАТ ТИКЛАНМОҚДА Ғарб давлатларида бир неча муслима аёллар билан олиб борилган тадқиқот шуни давоми...

11:38 / 18 апрель 687
Шотландия телевидениясида биринчи марта ҳижобли тележурналист ўз фаолиятини бошлади. Бу ҳолат томошабинларнинг кўплаб ижобий фикрларига сабаб бўлди. Шотландия давоми...

11:45 / 14 август 452