Бугун – Халқаро она тили куни
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маданиятлар ва тиллар турфа хиллиги сақланишига кўмаклашиш ҳамда ҳамкорлик қилиш мақсадида 21 февраль Юнеско Бош конференцияси томонидан Халқаро она тили куни сифатида белгиланган. У 1999 йил 17 ноябрда эълон қилинган ва 2000 йилдан бери дунёда нишонланади.

ЮНЕСКОга кўра, ҳозирги кунда дунёда 6 мингдан зиёд тил мавжуд бўлиб, уларнинг 90 фоизи йўқолиб кетиш арафасида. Бу асосан цивилизация туфайли маданиятидан айрилаётган кам сонли миллатлар тилларидир. Бу тилларда сўзловчи аҳолининг айримлари ёзувга эга бўлса, айримлари бундан ҳам бебаҳра.

Ҳар йили Халқаро она тили куни муносабати билан турли мамлакатларда барча дунё тилларини ҳимоя қилиш, рағбатлантириш ва эҳтиром кўрсатишга бағишланган тадбирлар мунтазам ўтказиб келинади.

Ушбу муносабат билан БМТ Бош Ассамблеяси ўз резолюцияси билан 2008 йилни Халқаро тиллар йили – International Year of Languages, 2010 йилни эса Халқаро маданиятлар яқинлашуви, уйғунлиги йили – International Year for the Rapprochement of Cultures деб ҳам эълон қилган эди.

Она тилимиз моддий ва маънавий меросимизни сақлаш ҳамда ривожлантиришнинг энг кучли воситаси саналади. Тилларнинг тарқатилиши ва сақланиши йўлидаги қўйиладиган қадамлар бутун олам бўйлаб тиллар турфа хиллиги билан, маданиятлар, анъаналар билан ўзаро яқиндан танишувга сабаб бўлади.

Айнан она тили туфайли инсон бирор миллатга мансублигидан фахрланиб яшайди. Барча тилларни тан олиш ва ҳурмат қилиш тинчликнинг кафолатидир. Шу сабабли ҳар бир халқ ўз тилини сақлаб қолишга интилади.

Шунингдек, бу ҳолат дунё халқлари ўртасида бағрикенглик, ўзаро мулоқот ва бир-бирига ҳурмат  каби олий тушунчаларнинг яхшиланишига хизмат қилади.

Дунёда энг кўп аҳоли сўзлашадиган тил сифатида хитой, инглиз ва испан тиллари эътироф этилади. Биринчи ўнталикка ҳинди, бенгал, араб, португал, немис, рус ва япон тиллари киради.

Шу сабабдан ҳам чет тилларини ўрганиш дунёни ўзгача нигоҳ, ўзгача ёндошув ила кўриш воситаси ва йўли ҳисобланади.

Мавзуга оид мақолалар
Абу Ҳурайра розияллоҳу анҳудан ривоят Расулуллоҳ соллаллоҳу алайҳи васаллам дедилар «Аллоҳ покдир ва фақат пок нарсанигина қабул қилади. Албатта, Аллоҳ давоми...

23:51 / 31.10.2016 1796
Болажонлар учун Рамазон туҳфаси «muslimaat.uz» сайти ходималари Абул Ҳасан Надавийнинг машҳур «Анбиёлар қиссаси» асарини овозли шаклда тақдим этади. Фарзандининг давоми...

11:00 / 19.05.2018 1275
Гапимни сийқаси чиққан Бизнинг давримизда... ибораси билан бошламоқчи эмасман. Ўтмиш ва ҳозирни солиштирар эканмиз, одамлар ўзгармаганини кўришимиз мумкин. Олдин давоми...

11:00 / 24.07.2019 1272
Эртага 26 апрель куни пойтахтимизнинг Хўжа Аламбардор масжидида бўлиб ўтадиган XXVII Қорилар мусобақаси олди тайёргарлик ишлари қизғин олиб борилмоқда. muslimaat.uz давоми...

06:46 / 25.04.2017 2950