Мавлид муносабати билан muslimaat.uzда танлов
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бисмиллаҳир Роҳманир Роҳийм!

Расулини юбориб, у зотга энг гўзал ва ҳикматли амалларни суннат қилиб берган Аллоҳ субҳанаҳу ва таолога батамом ҳамдлар бўлсин! Умматларига энг афзал суннатларни мерос қолдирган Набийимиз Муҳаммад Мустафо соллаллоҳу алайҳи вассалламга беҳисоб дуруду салавотлар ёғилсин! Бу суннатларга чиройли амал қилиб, уларнинг бизгача етиб келишига бош сабабчилардан бўлган асҳоби киромларга Аллоҳнинг розилиги бўлсин! Биз Мовароуннаҳр халқи турли урф-одатларга бой халқмиз. Қадриятларимизнинг асоси эса динимиз билан боғлиқ. Аждодларимиз фарз амаллар билан биргаликда суннат амалларга ҳам катта эътибор қаратиб, юксак ҳиммат билан бажарганликлари сабаб Расулимиз Муҳаммад соллаллоҳу алайҳи васалламнинг гўзал суннатлари мана шундай бетакрор урф-одатларга айланиб кетган. “muslimaat.uz” сайти ана шу урфларимизнинг моҳиятини янада ёрқин ифодалаб берувчи "Қадриятга айланган суннатлар" мавзусидаги мақолалар танловини эълон қилади. Унда мухлисаларимиз кундалик ҳаётимизда, байрам ва турли маросимларимизда амалга оширилаётган урф-одатларнинг суннатга мувофиқ жиҳатларини ёритиб беришлари керак бўлади. Танлов шарти: – мақола ҳажми компьютерда 14 ўлчамли ёзувда 2 бетдан ошмаслиги зарур. Танлов муддати: – Рабиъул аввал ойининг 15-санасигача (24 ноябрь). Танлов учун мақолани tanlov-muslimaat@islom.uz манзилига юбориш лозим. Мақолаларни баҳолашда саводхонлик даражаси ҳам ҳисобга олинади. Интернет ва бошқа манбаларда чоп этилган маълумотларни кўчириш мумкин эмас. Манба кўрсатилган ҳолда иқтибос олиш мумкин. Барчангизга Аллоҳ таолодан мадад ва муваффақият сўраб қоламиз. Зеро, сиз ёзган мақола суннатларнинг тирилиши ва татбиқига хизмат қилса, ажаб эмас!

Мавзуга оид мақолалар
  Шошганимча таниш рақамларни тераман. Узоқ гудок товушларидан сўнг ўша илиқ ва қадрдон товушни эшитаман «Ассалому алайкум» Саломга алик олиб, ўзимнинг «турмуш давоми...

03:16 / 05.09.2018 1946
Масаллиқлар 0,5 кг ёғсиз қийма 3 та пиёз 2 та қизил сабзи 14 та буханка нон 3 та тухум Ўсимлик ёғи 100 гр сир 23 ошқошиқ оқ кунжут 2 та картошка 0,5 боғ кўк давоми...

01:56 / 29.11.2016 1875
Бисмиллаҳир Роҳманир Роҳийм  Ассалому алайкум, азиз мухлисалар Бугун 29 декабрь куни Мавлиди шариф муносабати билан ўтказилган «Суннатни тирилтириш Пайғамбар давоми...

22:41 / 22.02.2017 3202