Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол: Ўзга ибодатлар каби қурбонликнинг ҳам қазоси бўладими?
Жавоб: Намоз, рўза ва закот каби қурбонликнинг ҳам қазоси бор. Аммо унинг қазоси сўйиш билан бўлмай, ўртача бир қўйнинг қийматини садақа қилиш билан бўлади.
Савол: Бир неча йилдан бери нисоб эгаси бўлган киши ўша йилларда қурбонлик қилмаган бўлса, қазосини қандай адо қилади?
Жавоб: Қурбонлик қилмагани учун Аллоҳ таолога тавба қилади ва неча йил қурбонлик қилмаган бўлса, ҳар йил эвазига ўртача бир қўйнинг қийматини садақа қилиш вожиб бўлади. Агар қўй сотиб олиб, ўтган йиллар учун қурбонликка сўйса ўтмайди.
