Рамазон фазилатлари (17-18 ҳадис)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

17

عَنْ أَبِي هُرَيْرَةَ، قَالَ: «قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «أُعْطِيَتْ أُمَّتِي خَمْسَ خِصَالٍ فِي شَهْرِ رَمَضَانَ: لَمْ تُعْطَهُنَّ أُمَّةٌ قَبْلَهُمْ: خُلُوفُ فَمِ الصَّائمِ أَطْيَبُ عِنْدَ اللَّهِ مِنْ رِيحِ الْمِسْكِ، وَتَسْتَغْفِرُ لَهُمُ الْمَلائِكَةُ حَتَّى يُفْطِرُوا، وَيُزَيِّنُ اللَّهُ كُلَّ يَوْمٍ جَنَّتَهُ ثُمَّ يَقُولُ: يُوشِكُ عِبَادِي الصَّالِحُونَ أَنْ يُلْقُوا عَنْهُمُ الْمَئُونَةَ وَالأَذَى، وَيَصِيرُوا إِلَيْكِ، وَتُصَفَّدُ فِيهِ مَرَدَةُ الشَّيَاطِينِ فَلا يَخْلُصُونَ فِيهِ إِلَى مَا كَانُوا يَخْلُصُونَ إِلَيْهِ مِنْ غَيْرِهِ، وَيُغْفَرُ لَهُمْ فِي آخِرِ لَيْلَةٍ».

قِيلَ: «يَا رَسُولَ اللَّهِ، أَفِي لَيْلَةِ الْقَدْرِ؟» قَالَ: «لا، وَلَكِنَّ الْعَامِلَ يُوَفَّى أَجْرَهُ إِذَا قَضَى عَمَلَهُ».

إسناده ضعيف.

 Ўн еттинчи ҳадис

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам:

«Рамазон ойида умматимга улардан олдинги умматларга берилмаган беш хосият берилди:

  • рўзадорнинг оғзидан келган ҳид Аллоҳнинг наздида мушкдан хуш(бўйроқдир);
  • оғиз очгунларигача фаришталар уларга мағфират сўрайди;
  • Аллоҳ ҳар куни жаннатни безатади‑да, сўнг: «Солиҳ бандаларим қийинчилик ва озорлар улардан улоқтирилиб, сенга келишларига оз қолди», дейди;
  • унда бебош шайтонлар занжирбанд қилиниб, ундан бошқасида ажраладиган нарсаларига унда ажрала олмайдилар;
  • кеча охирида мағфират қилинадилар», дедилар.

«Эй Аллоҳнинг Расули, қадр кечасими?» дейилди.

«Йўқ, балки амал қилгувчига амалини битирганда ажри мўл берилади», дедилар.

Санади заиф ҳадис.

Яъни, рўза тутган, тунни бедор ибодатда ўтказган киши ўша ибодатидан бўшаши билан мағфират қилинаверади, ажрлари мўл қилиб берилади.

Юқоридаги «ундан бошқасида ажраладиган нарсаларига унда ажрала олмайдилар» деган жумлада шайтонлар инсонларни васваса қилиш билан банд бўлиши, бор кори – ўзини ажратган иши инсонларни йўлдан уриш бўлгани ҳолда, Рамазонда бу ишларни бошқа ойлардагидек қила олмасликлари тушунилади.

18

عَنِ الزُّهْرِيِّ، قَالَ: «تَسْبِيحَةٌ فِي شَهْرِ رَمَضَانَ أَفْضَلُ مِنْ أَلْفِ تَسْبِيحَةٍ فِي غَيْرِهِ».

لم يوقف عليه.

Ўн саккизинчи ҳадис Зуҳрийдан шундай ривоят қилинади: «Рамазондаги битта тасбеҳ бошқасидаги мингта тасбеҳдан афзал». Манбаси топилмаган.  
Мавзуга оид мақолалар
gallery linkfile ids8528,8527 Бисмиллаҳир Роҳманир Роҳим 1 Ногаҳон нохуш хабар жон ўртади, Ғуссадин бори юраклар титради. Шайх Муҳаммад Содиқ ул қутби замон, Амри давоми...

20:14 / 08.02.2017 3178
Арабларда ва иссиқ ўлкада яшовчи баъзи халқларда аёлларни ҳам хатна қилиш одати бор. Али ибн Ғуробнинг момоси аҳли Куфадан бўлиб, қуйидагиларни айтган «Менга давоми...

00:54 / 25.11.2016 2587
«Нифос» сўзи луғатда «туғиш» ва «қон» маъноларини англатади.  Шариатда эса туғишдан кейин аёл кишининг раҳмидан келган қонга нифос дейилади. Боладан олдин ва у давоми...

00:06 / 10.05.2017 1341
     Бир киши намозларини жамоат билан ўқиш учун ҳар куни масжидга борар эди. Тўсатдан масжидга боришни тўхтатиб кўйди. Бирор ҳафта ўтгач, масжид имоми ўша давоми...

08:51 / 21.03.2017 2397