Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

   Бугун 14 май куни Тошкент шаҳридаги “Latte” (собиқ “Тошкент”) меҳмонхонасида «Sugar Plum» бренди остида дизайнер Дилнозахон Шамсиддинованинг Рамазонга туҳфа сифатида “Ramazon Collection – 2018” номли кўргазмасинамойиш этилди. Унда тюрбан, кўйлаклар устидан кийиладиган енгил енгсиз ва енгли либослар, шунингдек, Рамазон ойи муносабати билан совға сифатидаги турли туҳфалар, жумладан, Қуръони Карим, электрон тасбеҳ, соат ва бошқалар йиғилганларга тақдим этилди.

Кўргазмада Дилноза Шамсиддинова ижодини намойиш этадиган бир қанча видео-роликлар ҳам йиғилганларга катта экран орқали кўрсатилди.

Мазкур тақдимот маросимига юртимиздан ва чет давлатларидан бир қанча меҳмонлар, шунингдек, Одинахон Муҳаммад Юсуф ҳам таклиф қилинди.

«Sugar Plum» брендининг тақдим этган Рамазонтуҳфаси барча меҳмонларда катта таассурот қолдирди.

Зуҳрахон ҲАМДАМОВА

“muslimaat.uz” учун махсус тайёрлади.