Тиловат саждаси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қуръони Каримдаги сажда оятлари тиловат қилинганда сажда қилишдир.

Қуйидаги ўн тўрт оятдан бирини тиловат қилган кишига ёки эшитган кишига сажда қилиш вожиб бўлади.

  1. Аъроф сурасининг охиридаги 206-оят.
  2. Раъд сурасидаги 15-оят.
  3. Наҳл сурасидаги 49-оят.
  4. «Бану Исроил» (Исро) сурасидаги 109-оят.
  5. Марям сурасидаги 58-оят.
  6. Ҳаж сурасидаги биринчи сажда ояти, яъни 18-оят (бу сурадаги иккинчи сажда ояти, яъни 77-оят ҳанафий мазҳабига кўра вожиб эмас).
  7. Фурқон сурасидаги 60-оят.
  8. Намл сурасидаги 26-оят.
  9. Сажда сурасидаги 15-оят.
  10. Сод сурасидаги 24-оят.
  11. Фуссилат сурасидаги 37-оят.
  12. Нажм сурасидаги 62-оят.
  13. Иншиқоқ сурасидаги 21-оят.
  14. Алақ сурасидаги 19-оят.
  • Тиловат саждасини қилиш учун шартлар намоз ўқиш учун қўйилган шартларнинг айни ўзидир: мусулмонлик, оқиллик, балоғатга етганлик ва ҳайзу нифосдан пок бўлиш.
  • Тиловат саждаси тўғри бўлиши учун таҳоратли бўлиш, бадан, кийим ва маконнинг поклиги, қиблага юзланиш, сатри аврат ва ният шарт.
  • Тиловат саждаси бир саждадан иборат бўлиб, унга бош қўйилаётганда бир такбир ва ундан бош кўтарилаётганда яна бир такбир айтилади. Унда ташаҳҳуд ва салом йўқ. Тиловат саждасини қилиш вожибдир.

Тиловат саждасини қилаётган киши қўлларини кўтармай такбир айтиб, саждага кетади. Саждада намоз саждасида айтиладиган тасбеҳни уч марта айтиди.  Сўнгра такбир айтиб бошини кўтаради. Ва қуйидаги дуони ўқийди: 

سَجَدَ وَجْهِي لِلَّذِي خَلَقَهُ، وَشَقَّ سَمْعَهُ وَبَصَرَهُ، بِحَوْلِهِ وَقُوَّتِهِ، فَتَبَارَكَ اللهُ أَحْسَنُ الْخَالِقِينَ

Маъноси: «Юзим уни Яратган ва унда куч-қуввати билан кўз-қулоқни очган Зотга сажда қилди. Бас, яратгувчиларнинг энг яхшиси Аллоҳ баракотли ва буюкдир».

  • Биров намозда сажда оятини тиловат қилгандан кейин уч оят ўтгунча рукуъ қилса, ўша рукуъ тиловат саждаси ўрнига ўтади. Агар уч оятдан ўтиб кетиб қоладиган бўлса, сажда оятидан кейин рукуъ қилиб олади.
  • Бир сажда оятини бир ўтиришда бир неча марта ўқиса ҳам бир сажда қилади. Агар бир оятни бир неча жойда ўқиса, нечта жойда ўқиганига қараб сажда қилади.
  • Сажда оятини тингловчига тиловат саждасининг вожиб бўлиши унинг мажлиси эътиборидан бўлади.

Тиловат қилувчи бир неча жойда тиловат қилган бўлса ҳам, тингловчи бир жойда эшитган бўлса, бир марта тиловат саждаси қилади.

Агар тиловат қилувчи бир жойда ўтириб тиловат қилса ва тингловчи жойини алмаштириб турган бўлса, алмашгани ададича сажда қилади.

  • Намоздами ёки намоздан ташқаридами, тиловат қилаётганда сажда оятининг ўзини қолдириб, ундан кейинги оятга ўтиб кетиш макруҳдир.
  • Ҳайз ва нифосдаги аёлларга сажда оятини ўқиш ва эшитиш туфайли тиловат саждаси қилиш вожиб бўлмайди.
Мавзуга оид мақолалар
Наманган вилояти бўйлаб ниҳоясига етган Қуръон мусобақаси чин маънода байрамга айланиб кетди. Қуйида туманларда юқори ўринларни эгаллаган барча ғолибалар давоми...

00:17 / 06.02.2018 818
Қамар сураси, 49оят Ушбу оятдаги «ўлчов» сўзининг икки хил шарҳи бўлиб, бири «қазои қадар» маъносини, иккинчиси «миқдор», «ўлчов» маъносини англатади. Икки маъно давоми...

10:00 / 04 январь 441
Ассалому алайкум ва роҳматуллоҳ Яқинлашиб келаётган муборак Рамазон ойи билан барчангизни қутлаб, ушбу ойни фойдали амаллар билан ўтказиш учун бирбиримизга давоми...

11:24 / 02.05.2019 521
Маст қилувчи ичимликларни истеъмол қилишлик ҳомила бўлажак фарзанд учун жуда хавфли. Вашингтон Университетининг мутухассиси доктор Анн Стрейсгузнинг давоми...

23:53 / 28.11.2016 1363