Намознинг вақтлари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Намозни ўз вақтида ўқиш Аллоҳнинг амрдир. Ҳар бир намознинг вақти алоҳидадир. Бундан бошқа вақтда бир неча намозни ёки бир намознинг вақтида бошқасини ўқиб бўлмаслиги ҳам келиб чиқади.

  1. Бомдод намозининг вақти тонг отганидан бошлаб, то қуёш чиқишни бошлагуничадир.
  2. Пешин намозининг вақти қуёш заволга кетиб, ҳар бир нарсанинг сояси узая бошлаганидан то ҳар бир нарсанинг сояси ўзининг бўйи мислича бўлгунича.
  3. Аср намозининг вақти ҳар бир нарсанинг сояси ўз бўйи мислича бўлганидан бошлаб то қуёш ботгунча.
  4. Шом намозининг вақти қуёш ботганидан бошлаб, хуфтоннинг вақти киргунича давом этади.
  5. Хуфтон намозининг вақти шафақ ғойиб бўлганидан бошлаб, тонг отгуничадир.

Барча намозларни қуйидаги вақтларда ўқиш ҳаром:

  1. Қуёш чиқаётган пайтда.
  2. Қуёш қиёмга келган вақтда.
  3. Қуёш ботаётган пайтда.

Қуйидаги вақтларда нафл ўқиш ҳаром. 

  1. Бомдод намозининг фарзини ўқигандан то қуёш найза бўйи кўтарилгунча.
  2. Аср намозининг фарзини ўқигандан то қуёш ботгунча.
  3. Тонг отгандан сўнг бомдоднинг суннатидан бошқа нафл намозларни ўқиш.
  4. 4. Шом намозидан олдин нафл ўқиш. Чунки шом намозини тез ўқишга амрлар бор. Ундан олдин нафл ўқиш шомни кечиктириш бўлади.
  5. 5. Жума, ийд, ҳаж, никоҳ, кусуф, хусуф ва истисқо хутбалари бўлиб турган вақтда. Бу вақт имом минбарга чиққанидан то намозни ўқиб бўлгунича давом этади.
  6. 6. Ийд намозидан олдин ва кейин.
  7. 7. Фарз намозга иқома айтилганда. Фақат бомдоднинг суннатини тезда, фарзга улгуриш шарти билан ўқиб олиш жоиз.
Мавзуга оид мақолалар
Фарғона вилояти бўйлаб ўтказилаётган Қуръон қироати мусобақаси бугун 8 февралда ўз ниҳоясига етмоқда. Барча туманларда, жумладан, Марғилон шаҳридаги Хонақоҳ давоми...

07:30 / 08.02.2018 3383
Абу Ҳурайра розияллоҳу анҳудан ривоят қилинади «Набий соллаллоҳу алайҳи васаллам «Аллоҳ таоло қиёмат куни «Менинг жалолим ила муҳаббат қилганлар қани Бугунги давоми...

08:24 / 18.11.2016 3805
Араб тилидан Абу Абдулқодир таржимаси Муҳаррир Зухра Ҳамдамова

02:40 / 11.11.2017 4097
Ота шундай ҳикоя қилади Мен боламга ҳар куни ҳам пул беравермайман. Баъзан учтўрт кунлаб пул бермасдан, пулсиз ҳам қолдираман. Бу ишни пул йўқлигидан ёки қизғаниб давоми...

12:23 / 05.08.2023 2220