Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
- Таҳорат қилмоқчи бўлган одам, аввало таҳорат олишга ният қилиб,
أَعُوذ بِاللهِ مِنَ الشَّيطَانِ الرَّجِيمِ بِسمِ اللهِ الرَّحمَانِ الرَّحِيم
дейди.
- Қўлларни билаклари билан уч марта ювилади. Бармоқда узук бўлса, қимирлатиб, остига сув югуртирилади.
- Ўнг қўлда сув олиниб, оғиз уч марта ғарғара қилиниб чайилади ва мисвок қилинади.
- Бурунга ўнг қўл билан уч марта сув тортилиб, чап қўл билан қоқиб тозаланади.
- Юзни уч марта ювилади.
- Аввал ўнг қўл тирсаклар билан қўшиб яхшилаб ювилади.
- Сўнгра чап қўл тирсаклар билан қўшилиб яхшилаб ювилади.
- Ҳовучга сув олиниб, тўкиб ташлаб, ҳўли билан бошнинг ҳамма қисмига масҳ тортилади. Сўнгра шу сув билан кўрсаткич бармоқлар ила қулоқларнинг ичи, бош бармоқлар билан эса қулоқ орқаси масх қилинади ҳамда иккала кафтнинг орқаси билан бўйнга масх тортилади.
- Чап қўл билан ўнг оёқни тўпиқлари билан қўшиб ва бармоқлар орасини ишқалаб уч марта ювилади.
- Чап қўл билан чап оёқни тўпиқлари билан қўшиб ва бармоқлар орасини ишқалаб уч марта ювилади.
- Таҳорат қилиб бўлингач қуйидаги дуо ўқилади:
أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ
Дуонинг маъноси: «Аллоҳдан ўзга илоҳ ва унинг шериги йўқлигига гувоҳлик бераман. Ва Муҳаммад унинг расули ва бандасилигига гувоҳлик бераман.
Аллоҳим! Мени кўп тавба қилувчилардан ва покланувчилардан қилгин».
[embed]https://www.youtube.com/watch?v=lHdDgy8MS5E&feature=youtu.be[/embed]
