Гуноҳлардан халос бўлайлик десак
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

ГУНОҲЛАРДАН ХАЛОС БЎЛАЙЛИК, ДЕСАК...

Намоз

Амр ибн Саид розияллоҳу анҳудан ривоят қилинади: «Усмоннинг ҳузурида эдим. Таҳорат суви келтиртирди ва: «Расулуллоҳ соллаллоҳу алайҳи васалламнинг «Қайси бир мусулмон одамга фарз намоз (вақти) келса-ю, унинг таҳоратини, хушуъсини ва рукуъсини яхшилаб адо этса, албатта, у ўзидан олдинги гуноҳларга каффорот бўлур. Модомики, катта гуноҳ қилмаган бўлса. Бу ҳамма вақт учундир», деганларини эшитганман», деди» (Имом Муслим ривоят қилганлар).

Яъни беш вақт намоздан бири ўқилгандан сўнг кейингисининг вақти киргунича содир бўлган гуноҳлар навбатдаги намоз ўқилгач, ўша (олдинги) намоз туфайли ювилади.

Ҳадиси шарифда гуноҳлар кечирилиши учун намозни яхшилаб қилинган таҳорат билан, хушуъ ва рукуъсини жойига қўйиб ўқиш шарт қилиб қўйилмоқда.

Намознинг хушуъси дейилганда уни сергаклик билан, Аллоҳдан қўрқувни тўла ҳис қилган ҳолда ўқиш тушунилади.

Намознинг рукуъси дейилганда эса қиёмда туриш, рукуъ қилиш, сажда қилиш, ўтириш каби амаллар англашилади.

Шу билан бирга ҳадисда ҳаммаси учун бир умумий шарт зикр қилинмоқда: «Модомики, катта гуноҳ қилмаган бўлса».

Демак, беш вақт намоз катта гуноҳлардан бошқа гуноҳларнинг кечирилишига сабаб бўлар экан.

Шундай экан, беш вақт намозни канда қилмайлик. Намоз ўқиш билан нафақат бандалик бурчимизни адо этамиз, балки ўз гуноҳларимизни ювишга ҳам муяссар бўламиз. Ҳеч бир банда гуноҳлардан холи эмас. Аллоҳ таоло бизга ўта меҳрибон бўлганлигидан гуноҳларимизни осонлик ила, тез-тез ювиб туриш имконини яратиб қўйибди. Бу имкониятдан фойдаланиб қолишимиз лозим.

Ҳадисда ушбу фарз намозларнинг ўзидан олдинги гуноҳларга каффорот бўлиши доимий эканлиги айтилмоқда.

Кишининг зино, ароқ ичиш каби катта гуноҳлари фақат ихлос ила қилинган тавба билангина ювилади. Аммо етимнинг молини ейиш, рибо, бировнинг обрўсини тўкиш каби бандалар ҳаққига боғлиқ улкан гуноҳлар ўша ҳақлар ўз эгасига қайтарилмагунича ва уларнинг розилиги, кечириши олинмагунича ювилмайди.

Мана шулардан келиб чиқиб, фарз намозларимизни ўз вақтида, пухта таҳорат билан, хушуъ ва рукуъларини жойига қўйиб ўқиб юрмоғимиз керак. Катта гуноҳларга эса умуман яқин келмаслигимиз лозим.

 

(Давоми бор.)

Шайх Муҳаммад Содиқ Муҳаммад Юсуф

ҳазратларининг китоблари асосида Ғиёсиддин тайёрлади.

 
Мавзуга оид мақолалар
Соғлом, қуюқ, ипакдек майин ва жилвакор сочлар ҳамиша аёл саломатлиги ва гўзаллигининг тимсоли бўлиб келган. Афсуски, ҳаммамиз хам ана шундай сочлар билан давоми...

07:28 / 14.12.2016 10940
Расулуллоҳ соллаллоҳу алайҳи васаллам шундай дедилар .Мўминлар дўстликда, ўзаро раҳм қилишда ва меҳрибончиликда худди бир танадекдир ndash унинг бир аъзоси бемор давоми...

12:10 / 09.02.2023 1676
Суннатга хос тарбия Соғлом ва оқила аёл оиласининг фахри, жуфтининг умр зиёси, фарзандаларининг муҳтарам онаси бўла олади. Юртимизда мустақилликнинг илк давоми...

10:37 / 19.03.2017 4186
Аллоҳ азза ва жалла Ўз Китобида Эй иймон келтирганлар Сизлардан аввалгиларга фарз қилганидек, сизларга ҳам рўза фарз қилинди. Шоядки, тақводор бўлсангиз, дея давоми...

02:06 / 03.06.2019 2500