«Тил – миллат бойлиги»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тил инсоният учун Аллоҳ таоло томонидан берилган улкан неъматлардан биридир. Тил орқали қалбимиздаги яширин сўзларимизни, туйғулармимизни ифода қиламиз. Мана шу сўзлашув орқали инсон бошқа мавжудотлардан устун ва мукаррамдир.

Биз учун азиз неъмат бўлмиш тилимизни асраш, унга зарар берувчи иллатлардан сақланиш ҳамда талабаларда она тилига янада ҳурмат-эътибор уйғотиш мақсадида бугун Хадичаи Кубро аёл-қизлар билим юртида «Тил – миллат бойлиги» мавзусида байрамолди тадбири бўлиб ўтди. Тадбир Қуръони Карим тиловати билан очилди. 3-босқич талабаларидан Саидханбалева Робия ва Мираҳмадова Омина бошловчилик қилиб, ўзбек тилига давлат тили мақоми берилиши, тилга зид шевалар, иборалар, хорижий сўзларни қўшиб гапириш каби долзарб мавзуларга оид қимматли маълумотлар тақдим этишди. Устоз Наргиза Адилова жума маърузаси, 2-босқич талабаси Розия Комилжонова «Тил – миллат кўзгуси» номли маънавият соатини ўқиб эшиттиришди. Сабоҳат Нуъмонжонова, Моҳинур Абдураҳмонова, Моҳира Каримова ва Эъзозхон Умаралиева инглиз, араб, ҳинд ва турк тилларида салавотлар ижро этишди. Кейин талабаларнинг луғат бойлигини синаш мақсадида феъл, исм ва сифат сўз туркумига оид сўзлар товушсиз ҳаракатлар орқали ижро этилиб, унинг рус, инглиз ҳамда араб тилидаги кўринишлари сўралди. Рисолат Бадриддинова, Мафтуна Олимжонова, Робия Маннобжонова, Муаззам Акбаралиева, Маърифат Эсонова ўзбек, рус, инглиз, араб ва француз тилларида шеърлар ўқиб, йиғилганларни хушнуд этишди. Кейин Жалолиддин Румий ҳазратларининг «Узум» ҳикояси асосида тил билмасликнинг зарарли оқибатлари саҳна кўриниши тарзида ижро этилди. Тадбир сермазмун ўтди.

Зиёда Алмедова, Хадичаи Кубро билим юрти ўқитувчиси

Мавзуга оид мақолалар
Фарзандларимиздан ҳар куни ҳар хил шикоятлар эшитамиз «Чарчадим», «Зерикдим», «Акам ўйинчоғимни олиб қўйди», «Қаранг, мени уряпти» ва ҳоказо. Булардан маъно нима давоми...

11:00 / 17.07.2019 804
Абул Ажалон алМуҳорибий розияллоҳу анҳудан ривоят қилинади «Мен Ибн Зубайрнинг лашкарида эдим. Амакиваччам вафот қилди ва туясини Аллоҳнинг йўлига атаб васият давоми...

02:02 / 12.10.2016 1468
Ўлим. Бу сўзни эшитишнинг ўзиёқ кишини юзидан табассумни нари қилади. Кутилмаган сергаклик келиб, кишини ўтмишини қандай ўтказганини, ҳозирини қандай давоми...

02:20 / 24.12.2016 1181
       Инсоннинг яралиши ва унинг эркакаёл жуфтлигидан иборат бўлиши ҳақида одамларда турли қарашлар бор. Кимлардир инсонни қайсидир ҳайвондан пайдо бўлган, деб давоми...

09:36 / 05.02.2017 5475