Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Илтижo
«Аллоҳ» десам, ҳузур-ҳаловат туйдим, Аҳлуллоҳларга дўст айлагил, Роббим. Ислом-ла умматни азиз эт, шу – оҳим, На қилай, Расулинг ишқида ёнсам? Иймоним яйрайди, яхшилик қилсам, Муҳаббатим асра, илм аҳлин севсам. Билиб гуноҳ қилмоқ қанчалар ёмон? Тилим куйсин, агар ёлғон сўз десам. Қанчалар саодат саждага бормоқ, Савобга шошилсам, зикринг-ла юрсам. Улкан савоб эрур муҳтожга бермоқ, Қўлим синсин, етим ҳаққини олсам! Осийларга танитсам ҳамиша ҳақни, Ўзингга талпиниб, ҳидоят топсам. Одамлар, ажратинг қорани, оқни, Оёқларим синсин, гуноҳга юрсам. Ё Аллоҳ, ҳалолдан ризқ бергин Ўзинг, Қўллагил, ўзгага муҳтож этмагин. Барокат-ла ўтсин ҳар битта куним, Оғзим куйсин, билиб ҳаромни есам. Мазмунли умр бер – ўтай иймон-ла, Ризоингни истаб, гуноҳдан қочсам. Қайда бўлмай, доим юриб зикринг-ла: Тоатда, шукрда, саждада ўлсам…Фарҳодбек Жўраев
