Татаристонда ҳунарманд муслималар асарларининг кўргазмаси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳунарманд муслималар асарларининг кўргазмаси жорий йилнинг 17 декабрь куни Татаристон пойтахти Қозон шаҳрида очилди.
«Марварид» деб номланган кўргазманинг очилиш маросими шанба 17 декабрь куни Татаристон республикаси мусулмонлари идораси ёшлар билан ишлаш бўлимининг ташаббуси билан Қозон шаҳрида жойлашган Россия Ислом университетининг конференция залида бўлиб ўтади.
Кўргазмада республика ҳунарманд муслималарининг энг яхши асарлари намойишга қўйилган бўлиб, бу ерга борувчилар истаган асарларини харид қилишлари мумкин.
Қайд этиш керакки, мазкур кўргазма қошида, шунингдек, ҳунармандчилик, психология ва гўзаллик сирларига бағишланган ўқув машғулотлари ҳам йўлга қўйилиб, янги исломий либослар намуналари намойиш этилади.
