Аёллар учун ҳомиладорлик даврида ўқиладиган дуолар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

                                                             Бисмиллаҳир роҳманир роҳийм Бизларни Одам зурриётидан қилиб яратган ва Ўзига қиладиган дуоларимизни Ўзининг буюк каломида очиқ ойдин баёнини қилиб берган Аллоҳ таолога беадад ҳамду саноларимиз бўлсин. Болаларга бўлган гўзал муомалалари билан бутун умматга ўрнак бўлган Сарвари олам Муҳаммад мустафо соллаллоҳу алайҳи васалламга салавоту саломларимиз бўлсин.

Ҳар бир мусулмон йигит ва муслима қиз турмуш қуриш ёшига етганда, албатта, гўзал оила ҳақида орзу-умидлар билан яшайди. Ана шундай орзу-умидларнинг ажралмас қисмини эса солиҳ ва солиҳа фарзандлар ташкил этади. Қуйида сизларга Қуръони Каримда келган ана шундай солиҳ ва солиҳа фарзандлар сўраб қилинадиган дуоларни келтириб ўтамиз. Яхши зурриёт :

<<Эй Роббим, менга Ўз ҳузурингдан яхши зурриёт бергин. Албатта, Сен дуони эшитувчисан>> (Оли Имрон сураси 38 - оят). Ворис :

<<Эй Роббим, мени ёлғиз ташлаб қўйма, Сен Ўзинг ворисларнинг энг яхшисисан>> (Анбиё сураси 89 - оят). Кўз қувончи :

<<Эй Роббимиз, Ўзинг бизга жуфти ҳалолларимиздан ва зурриётларимиздан кўзимиз қувонадиган нарса ҳадя эт ҳамда бизларни тақводорларга йўлбошчи қил>> (Фурқон сураси 74 - оят). Мусулмон фарзанд :

<<Роббимиз, иккимизни Ўзингга мусулмон бўлганлардан қил ва зурриётимиздан ҳам Ўзингга мусулмон уммат қил, бизга ибодатларимизни кўрсат, тавбамизни қабул эт. Албатта, Сенинг Ўзинг тавбаларни кўплаб қабул этувчи, раҳимли Зотсан >> (Бақара сураси 128 - оят). Солиҳ ва солиҳа зурриёт :

<<Роббим, менга солиҳлардан ато эт>> (Соффаат сураси 100 - оят).

Фойдаланилган манба: Шайх Муҳаммад Содиқ Муҳаммад Юсуф раҳимаҳуллоҳнинг Қуръони Карим ва ўзбек тилидаги маънолари таржимаси. Юсуф Шоший

Мавзуга оид мақолалар
 Дунё мусулмонлари қаторида россиялик татарлар ҳам бу байрамни нишонлай бошладилар. Маълумки, 2014 йил 2 январда Рабиъул аввал ойи бошланди. Айнан мана шу ойда давоми...

10:24 / 20.01.2017 1665
Рамазонда бедор бўлиб ўқиладиган намоз «Таровиҳ» деб номланиши ҳаммага маълум. «Таровиҳ» роҳатистироҳат маъносидадир. Чунки мазкур намоз истироҳат ҳисобланади, давоми...

05:10 / 07.03.2017 2431
Muftiyat.kg сайтининг 2019 йилги маълумотларини ўқирканман, бир хабар эътиборимни тортди. Хабарда маълум қилишича, Ўш шаҳрининг марказий жоме масжидларидан бири бўлмиш давоми...

17:15 / 04.12.2020 772
Тўй инсон ҳаётининг энг муҳим воқеаларидан биридир. Анна Бегум ва Закарийё Хон ўзлари учун унутилмас бўлган бу кунда олий инсонийлик қадриятларини намоён давоми...

05:25 / 12.02.2019 661