Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Туркия касалхоналарининг бирида жарроҳ бўлиб ишловчи асли венесуелалик Женнифер Гомес Поррас тантанали равишда шаҳодат калимасини айтиб, мусулмон бўлди ва исмини Заҳро деб ўзгартирди. Унинг етти яшар қизи Никол ҳам онаси билан биргаликда тавҳид калимасини айтди ва унга Ниҳол деган исм беришди. Шаҳодат калимасини тантанали айтиш маросимида Исломни янги қабул қилган аёлнинг ҳамкасблари ва дўстлари иштирок этишди. У яшаб турган Кайсари шаҳри муфтийси ҳам муслима аёлни янги ҳаёт муқаддимаси билан шахсан табриклади. Заҳронинг айтишича, у католик оиласида тарбия топган, лекин ҳеч қачон черковга бормаган. Туркияга кўчиб келгач, унга у ердагиларнинг динга бўлган муносабатлари жуда маъқул келган.
«Islam.ru»
