Овқат ва ичимликларга пуфлаш
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Саид  розияллоҳу анҳудан ривоят қилинади:

  «Набий соллаллоҳу алайҳи васаллам ичимликка пуфлашдан қайтардилар. Бас, бир киши:

  «Идишга тушиб қолган нарсани кўрсам-чи?», деди.

  «Олиб ташла», дедилар у Зот.

  «Мен бир нафасда ича олмайман», деди.

  «Ундоқ бўлса, қадаҳни оғзингдан узоқлаштир», дедилар».

Термизий ва Абу Довуд ривоят қилганлар.

Кўпчилигимизда  оғзимизни куйиб қолишидан қўрқиб, иссиқ таом ёки ичимликка беихтиёр пуфлаш одати бор. Пайғамбаримиз соллаллоҳу алайҳи васаллам эса бундан қайтарганлар. Нима учун?!  Кўп одамлар буни еб-ичиш одобларидан бири деб ҳисоблашган.

Олимларнинг илмий тадқиқотлари шуни кўрсатдики, Расулуллоҳ соллаллоҳу алайҳи васаллам ҳеч бир нарсадан бежиз қайтармаганлар. Бунда бизлар учун яхшиликлар яширингандир. Қуръонда ҳам келган-ку: «У ҳаводан нутқ қилмас. У (Қуръон) ваҳийдан ўзга нарса эмас» (Нажм сураси, 3-4 оят).

Одам организмида фойдали бактериялар мавжуд бўлиб, улар зарарли бактерия ва микроблар ҳамда  уларнинг емирувчилик  фаолияти билан курашадилар. Бу фойдали бактериялар инсоннинг томоқ бўшлиғида яшашади. Ҳар сафар иссиқ овқатга пуфлаганда, ҳаво билан ташқарига чиқишади. Иссиқ пар билан таъсирга киришганда эса фойдалидан зарарли бактерияларга яйланадилар. Овқат билан қайта организмга тушгач, бу бактериялар гастрит ёки язва, борингки овқат ҳазм қилиш системасида хавфли ўсимталарнинг ривожланишига  ҳам олиб бориши мумкин.

Суннатга амал қилиб, зарарли одатни ташлаш ёки ташламасдан ҳаётингизни хавф остига қўйиш ўзингизга ҳавола.

манба: «ИСЛАМ И НАУКА»

Мавзуга оид мақолалар
3 Йиллар камолотга етказди уни, Тоблади синовда улкан бу ҳаёт. Илму таҳсил билан машғул кунтуни, Донолар айтгандек илмда нажот   Бир лаҳзани зое давоми...

21:09 / 08.02.2017 2056
Муҳтарама синглим Сиз буюк ойда турганингизни ҳис этмоқдасиз, лекин бу ойни бошқа ойлардан ажратиб турувчи хусусиятлари ва фазилатлари нимада эканини биласизми давоми...

10:24 / 06.03.2017 3012
Маълумки, қадим замонларда одамлар савдо ва иқтисодий муомалаларини қўлларидаги мулк бўлган нарсаларни бирбирига алмаштириш билан қилганлар. Кейинроқ молнинг давоми...

05:53 / 07.10.2016 1502