Рўзанинг турлари ҳақида
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Рўзанинг турлари тўрттадир: I. Лозим рўза. Лозим рўза иккига: фарз ва вожибга бўлинади. Фарз рўза ҳам иккига: тайинли ва тайинли эмасга бўлинади. Тайинли фарз рўза – Рамазон рўзасини адо этишдир. Тайинли бўлмаган фарз рўза – Рамазоннинг қазоси ва каффорот рўзасидир. Вожиб рўза ҳам иккига: тайинли ва тайинли эмасга бўлинади. Тайинли вожиб рўза – муайян назр рўзадир. Тайинли бўлмаган вожиб рўза – мутлақ назр рўза ва нафл рўзани бузган бўлса, қазосини тутишдир. II. Ҳаром рўза. Бу турдаги рўзани ҳанафийлар: макруҳи таҳримий ҳам дейдилар. Бундай рўзалар бир неча хилдир: 1. Аёл кишининг эрининг изнисиз ёки розилигини билмай туриб нафл рўза тутиши. 2. Шак куни рўза тутиш. 3. Рўза ҳайити куни, Қурбон ҳайити куни ва ундан кейинги уч куннинг рўзасини тутиш. 4. Ҳайзли ва нифосли аёлнинг рўза тутиши. 5. Рўза тутса, ҳалок бўлишини билиб туриб рўза тутган одамнинг рўзаси.   III. Ихтиёрий рўза. Ҳанафий мазҳабида ихтиёрий рўза учга: суннат, мандуб ва нафлга бўлинади. Суннат рўза – Расулуллоҳ соллаллоҳу алайҳи васаллам бардавом тутиб юрган ихтиёрий рўза. Ошуро ойининг тўққизинчи ва ўнинчи кунининг рўзаси суннат ҳисобланади. Мандуб ёки мустаҳаб – Расулуллоҳ соллаллоҳу алайҳи васаллам бардавом тутмаган ихтиёрий рўза. 1. Бир кун тутиб, бир кун очиб юриш. 2. Ҳар ойдан уч кун тутиш. 3. Ҳафтанинг душанба ва пайшанба кунларини тутиш. 4. Шавволдан олти кун тутиш. 5. Арафа кунини тутиш. 6. Арафадан олдинги саккиз кунни тутиш. 7. Шаъбон ойида тутиш. Нафл рўза – мазкурлардан бошқа тутишга тарғиб қилинган рўзалар.   IV. Макруҳ рўза. Бу хилдаги рўзани ҳанафий мазҳабида макруҳи танзиҳий ҳам дейилади. Улар қуйидагилардир: 1. Ошуро кунининг ёлғиз ўзининг рўзасини тутиш. 2. Жума кунининг ёлғиз ўзининг рўзасини тутиш. 3. Шанба кунининг ёлғиз ўзининг рўзасини тутиш. 4. Наврўз куни рўза тутиш. 5. Меҳрижон куни рўза тутиш. 6. Ҳар куни рўза тутиш. 7. Гапирмасдан рўза тутиш. 8. Улаб рўза тутиш. 9. Мусофирнинг қийналиб рўза тутиши.
Мавзуга оид мақолалар
Аллоҳга беадад ҳамду санолар бўлсинки, мустақиллик шарофати билан диний адабиётларимиз кўпайиб, халқимизнинг диний билимларга бўлган эҳтиёжи давоми...

04:00 / 31.10.2019 1149
 ИСЛОМНИ ҚАБУЛ ҚИЛГАН  ГИЁҲВАНД ҚИЗНИНГ ҒАРОЙИБ ҚИССАСИ   Мен уни масжидда учратиб қолдим. Кўзлари сўнган, лаблари қалтирар, танаси эса шарпага ўхшар эди. Тишни давоми...

11:18 / 20.03.2017 2214
Иккинчи халифа Умар ибн алХаттоб розияллоҳу анҳу даврларида барча ёш муслималар учун Нур сурасини ёддан билиш мажбурий бўлган эди. Ушбу гўзал сура шундай оят давоми...

02:55 / 06.02.2017 7024
Нима учун Расулуллоҳ алайҳиссаломни севаман 1. У зот алайҳиссалом Роббимнинг суюклиси. Аллоҳ таоло учун Ўзи яратган махлуқотлари ичида энг суюклиси Расулуллоҳ давоми...

23:09 / 13.12.2017 1116