Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бисмиллаҳир Роҳманир Роҳим! Ассалому алайкум ва раҳматуллоҳи ва барокатуҳ! Муҳтарама сайтимиз мухлисалари!
Сизларга маълумки, бир неча кун аввал сайтимизда янги бўлим «жума саҳифаси» очилди. Ниятимиз сиз азизаларимизга ушбу улуғ куннинг фазилати ва ундаги тарғиб қилинган солиҳ амалларни эслатиб туриш эди. Кейинчалик эркакларнинг ҳар жума куни жума мавъизаларидан баҳраманд бўлишлари эътиборидан, бизда ҳам сизлар билан айнан шу кунда суҳбат қуриш иштиёқи туғилди. Албатта, бу суҳбатимиз амру маъруф ва наҳий мункардан иборат бўлади. Аллоҳ таолога ҳамдлар бўлсинки, ҳозирги кунда диний адабиётларимиз анча кўпайиб қолди. Бирор диний таълимотга эҳтиёжимиз тушса, албатта, уни илмий асосда ўрганишга имконимиз бор. Аммо ваъз насиҳатга, айниқса, аёлларга хос муаммолар ҳақида мавъизаларга зарурат кучли экани ҳеч кимга сир эмас. Шундан келиб чиққан ҳолда, суҳбатимиз кўпроқ содда тилда бўлиб, унда, асосан, ақл ва виждонга хитоб қилинади. Ҳозирги кундаги ҳаётий воқеаларга боғланади. Шунингдек, сиз мухлисаларимиз ҳам ушбу суҳбатга ўз ҳиссаларингизни қўшишингиз мумкин. Кимдир мавъизаси билан, кимдир суҳбатга мавзу таклиф қилиш билан, яна кимдир фикр-мулоҳазалари билан. Буларнинг ҳаммасини сайтимиз манзили muslimalar1@gmail.comга ёки facebook даги саҳифамизга юборишингиз мумкин. Бу бошлаган ишимизни хайрли бўлишини Аллоҳ субҳанаҳу ва таолодан дуо қилиб сўрашингиздан умидвормиз. Суҳбатларимизда учрашгунча...Muslimaat.uz ходималари
