Салом беришнинг бошланиши
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайрадан ривоят қилинади:

«Набий соллаллоҳу алайҳи васаллам:

«Аллоҳ Одам алайҳиссаломнинг бўйларини олтмиш аршин қилиб яратди. Сўнг ўтирган бир неча фаришталарни кўрсатиб «Анавиларнинг олдига бориб, салом бергин ва уларнинг қандай алик олишини эшитгин. Бу сенинг ва зурриётларингнинг саломи бўлади», – деди.

«Ассалому алайкум», – деди у.

«Ассалому алайка ва роҳматуллоҳи», – дейишди. Унга «ва роҳматуллоҳи»ни зиёда қилишди.

Бас, ким жаннатга кирса, у(Одам)нинг сувратида киради. Ҳозиргача халқ нуқсонга учраб келмоқда», – дедилар».

Шарҳ: Бир аршин – 42 сантиметр.

Аллоҳ таоло Одам Атони жуссасини катта ва қаддини баланд қилиб яратган.

Ушбу ҳадисдан саломлашишнинг тарихини билиб оламиз. Саломлашиш Аллоҳ таолонинг Ўзи Одам алайҳиссаломга таълим берган нарса экан. Аллоҳ таоло бу ишнинг бошланишига фаришталарни ҳам иштирок эттирган.

Ҳадисдаги «Ҳозиргача халқ нуқсонга учраб келмоқда» жумласини «Одам алайҳиссалом яратилгандан ушбу ҳадис айтилгунча бўлган даврда одам зотининг ҳажми кичрайиб келмоқда» деб тушунилади.

Маълумки, жоҳилият пайтида қабилалар бир-бирлари билан доимий равишда уруш-жанжал қилиб келишган. Уларнинг аъзолари ким кўринганни бўғиб, зарар етказиш пайидан бўлган. Ўша пайтларда бирор киши ўзини тинчлик ва омонликда ҳис қила олмаган.

Тинчлик дийни бўлган Ислом ўзи исмида тинчлик маъносини ифода қилиши билан бирга одамлар бир-бири билан кўришганда ҳам ўзаро тинчлик эълон қилиб кўришишларини жорий қилди. Бас, таниган ёки танимаган одамга йўлиққанда ким олдин «Ассалому алайка» – «сенга тинчлик бўлсин» деса, савоб оладиган бўлди. Шу билан бир вақтда иккинчи томон «Ва алайкумуссалом» – «сизга ҳам тинчлик бўлсин» дея алик олиши вожиб бўлди. Шу билан одамларнинг бир-бирига душманлиги йўқлиги, барча тинчлик ва омонликда экани эълон қилинадиган бўлди.

Ушбу ҳадиси шарифдан олинадиган фойдалар:

1. Аллоҳ таоло Одам Атонинг бўйини олтмиш аршин қилиб яратгани.

2. Аллоҳ таоло саломлашиш бошланишини Одам ва фаришталар орқали бошлагани.

3. Салом беришда «Ассалому алайкум» дейиш кераклиги.

4. Алик олганда «Ассалому алайка ва роҳматуллоҳи» дейилиши.

5. Жаннатга кирувчи бандалар Одам алайҳиссалом яратилган пайтидаги сувратда киришлари.

6. Одам зотининг жуссаси замон ўтиши билан кичрайиб боргани.

 
Мавзуга оид мақолалар
Исломий ўйинчоқлар дўкони Британия бозорини эгалламоқда  Британиялик муслима аёл мамлакатда илк бор исломий ўйинчоқлар интернетдўконини очиб, Буюк Британия давоми...

11:43 / 17.03.2017 1577
Истамбулдаги бошқармаси директори ўринбосарининг Риа Новостига хабар беришича, давлат бу қурилишда иштирок этмайди. «Пайғамбар Муҳаммад соллаллоҳу алайҳи давоми...

08:02 / 14.12.2016 1606
Ҳаж қасд қилиш ва йўналиш маъносида келади. Лекин унинг маъносини бу икки сўз билан чегаралаб қўйиш тўғри бўлмайди. Ҳаж махсус вақтда муайян кўрсатмалар билан давоми...

01:12 / 02.12.2016 1519
«Эй, Одам фарзанди Ким дунё сабабли хафалик билан тонг орттирса, Аллоҳдан фақат узоқлашибди. Унга дунёда қийинчилик, охиратда фақат машаққат бўлади. Аллоҳ таоло у давоми...

23:28 / 23.12.2016 2198