Умр ғаниматдир, дўстлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

УМР ҒАНИМАТДИР, ДЎСТЛАР!

Эй кўнгил, ғамга ботма, ёмонлардан етган озорга. Эй дилим, ўкинмагил, солсалар алар ўзин бозорга. Яхши бўл, эргаш аларга, бормоқ кун бор мозорга Аё умр ғаниматдир, дўстлар! Бўлайлик ҳидоятда.   Ўтмасин умр беҳуда, бир бора келмоқ дунё бу. Тақвода бўлайлик, ҳаром азоб, бўлур танга оғу. Навқиронингда саждалар қил, ёшлик бебақо-ку. Аё умр ғаниматдир, дўстлар! Бўлайлик ҳидоятда.   Нафасимиз исрофда, ҳатто у зикрсиз кириб чиқса. Бобом айтар:«Қани, одамлар ёшлик қадрин билса». Инсон беҳуда ўтган умр учун кам, қанча йиғласа, Аё умр ғаниматдир, дўстлар! Бўлайлик ҳидоятда.   Одамларни севиб яшайлик, яхшиликла юрайлик. Бизни Аллоҳ ихтиёр этди қадримизни билайлик. Бир мўминга озор етса, танамизда оғриқ сезайлик. Аё умр ғаниматдир, дўстлар! Бўлайлик ҳидоятда.   Дунё деб охиратни унутсак, ҳолимиз бўлур хароб. Бас, кўзимизни очайлик, асли дунё ўзи бир сароб. Ҳол не бўлур саҳифамиз очилса, унда бобма-боб. Аё умр ғаниматдир, дўстлар! Бўлайлик ҳидоятда.   Уйғон энди иймон, уйғон-э виждон, мудрамасдан. Оҳ, қандоғ яшарсан-э ғафлатда кўзинг очмасдан. Хақни танимасдан, бир ғариб кўнглин олмасдан. Аё умр ғаниматдир, дўстлар! Бўлайлик ҳидоятда.   Бир кун ахир Раббининг олдига бормоғимиз бор. Яшайлик ҳидоятда Ўзининг висолидан умидвор. Мўмин бўлайлик ҳеч етмасин биздан ўзгага озор. Аё умр ғаниматдир, дўстлар! Бўлайлик ҳидоятда.    

Фарҳодбек Жўраев

Андижон

12.08.2015

 
Мавзуга оид мақолалар
16масала Агар бир кишининг қўли ёки оёғида жароҳат бўлсаю, сув унга зарар етказадиган бўлса, таҳоратда жароҳатнинг устидан сув оқизмайди, балки унинг устидан нам давоми...

01:14 / 14.02.2019 447
Ижара исломий фиқҳга оид атама бўлиб, луғатда «бирор нарсани ижарага маълум эвазга вақтинча фойдаланишга беришга» айтилади. Истилоҳда эса «ижара» атамаси икки давоми...

23:05 / 23.01.2017 2919
Дарс Қуръони Каримдан ёд олинганини текшириш ила бошланди. Сўнгра ота танишбилишларнинг аҳволини сўради. Шунда Фотима  Мактабдан қайтаётганимда йўлни кесиб давоми...

05:03 / 26.12.2016 9015