Йиллар сизни биздан узоқ этолмас.

0 821

Чечаклар юз очди яна баҳор келиб
Кўнгиллар эриб кетарди сизни кўриб
Бахтлилар, хизматингиз қилганлар елиб
Йиллар сизни биздан узоқ этолмас.

Мудроқ қалблар уйғонди ўқиб сизни
Тўғри йўлга бошлаб кетдингиз бизни
Зикрга ўргатдик суяксиз бемаза тилни
Йиллар сизни биздан узоқ этолмас.

Ҳа, имонимиз бор тақдирда албат
Ажаб, дунё ишлари бунчалар ғалат
Гоҳо безиб қилолмай қоламан тоқат
Йиллар сизни биздан узоқ этолмас.

Бас энди куяверма, дейди кўнгил
Ёзмай десам ҳаловат топмайди кўнгил
Юракларим эзиб юборди кўнгил
Йиллар сизни биздан узоқ этолмас.

Эй бевафо дунё, безори дунё
Вақтни қилич каби кесасан гўё
Яхшидан ҳам қилмадинг ҳаё
Йиллар сизни биздан узоқ этолмас.

Диним ислом, у менинг жоним
Сизни таниб комил бўлди имоним
Аллоҳ учун суйдим сизни Ҳазратим
Йиллар сизни биздан узоқ этолмас.

Фарҳодбек Жўраев
Андижон шаҳри.

Баҳам кўринг

Leave A Reply