Хуш келдинг, Рамазон!

0 724

 

Йўқ бўлар қоронғулар,
Нурга ғарқ бўлди жаҳон
Марҳабо, хуш келибсан,
Эй муборак Рамазон!

Марҳабо, эй ойларнинг,
Шаҳан шоҳи, султони,
Марҳабо, эй Аллоҳнинг,
Чексиз лутфу эҳсони.

Кўп шукр Роббимизга,
Етишдик яна сенга,
Рўза, намоз, закот-ла,
Бахтиёрмиз, бахтиёр.

Чиқиб бир қуёш каби,
Юртимизнинг бахтига.
Хуш келибсан, хуш келдинг,
Кўнглимизнинг тахтига.

Кетади сен келганда,
Руҳлардаги ғам, алам,
Қиламиз ташрифинг-ла,
Бутун мўминлар байрам.

Миноралар, жомеълар
Сузади нур ичида,
Ўқилар Каломуллоҳ,
Ҳушу-ҳузу ичида.

Эмасдир ортиқ бугун,
Пешонамиз ғам-алам.
Хуш келдинг, эй муаззаз,
Эй муборак Рамазон!

 

Мирзакаримова Нодирабегим
Ҳусайн қизи таржимаси

Баҳам кўринг

Comments are closed.