«Хайрия ишларида аёл кишининг ўрни» конференцияси 16 декабрь

0 405

«Хайрия ишларида аёл кишининг ўрни» конференциясининг иккинчи куни эрталабки қисми ҳам бўлиб ўтди. Ушбу мажлисни Кувайт давлатидан Доктор Холид Мазкур олиб борди. Доктор Холид Мазкур «Ислом шариати аҳкомларини татбиқ қилишни мукаммаллаштириш» амалининг олий ҳайъати раисидир. У киши сўз навбатини аввал Миср Арабистонидан ҳозир бўлган ва «Ижтимоий иштирок доирасида аёл кишининг хайрия ишлари» номли мавзуда нутқ қилган Доктора Маҳжа Ғолиб Абдурраҳмонга берди. Сўнгра Кувайт университетидан Доктора Ийман Мазруқ «Муслима аёлнинг «Хайрия ишларида аёл кишининг ўрни» конференцияси хайрия ва даъват ишларини бажариши» ҳақида нутқ қилди. Кейин «Хайрия ишининг моҳияти» ҳақида мағриблик Доктора Хадийжа Муфийд сўз юритди. Мажлисдаги энг жонли ва ажойиб нутқ Судан жумҳуриятидан келган, Ислом фиқҳи мажмуъасининг раиси, Умумжаҳон Исломий хайрия ташкилоти идораси мажлисининг раиси Доктор Исом Баширнинг нутқи бўлди. Доктор Исом «Аёл кишининг асил ва асрда умумий ҳаётда иштирок этиши» ҳақида гапирди. Доктор Исом ушбу нутқда  ўз одатига кўра манфаатли маълумотларни ёритди. Мажлис сўнгида барчалари ташкилот томонидан тақдирландилар.

muslimaat.uz

Баҳам кўринг

Leave A Reply