Дубайда Халқаро араб хаттотлик кўргазмаси

0 82

Ислом иқтисодиётини қўллаб-қувватлаш, ёш авлод учун таълим ва маданий майдон яратиб бериш ҳамда ижодий имкониятларини кенгайтириш мақсадида Дубай маданият ва санъат идораси Ўнинчи Дубай халқаро араб хаттотлик кўргазмасини бошлашини эълон қилди, деб хабар беради WAM нашри.

“Қоғоз ва қаламни шарафлаган мерос” мавзусидаги ушбу кўргазма БАА даги Бағрикенглик йилига урғу бериб, БААда биргаликда истиқомат қиладиган турли маданиятларнинг уйғунлигини акс эттиради. Кўргазма 2019 йилнинг 27 апрелидан 5 майигача давом этиб, “Дубай Санъат Мавсуми – 2019”ни якунлаб беради.

Кўргазма доирасида 50 дан ортиқ халқаро хаттотлар исломий санъат ва маданиятнинг кенг қамровли намуналарини намоён қиладилар.

Дубай маданият ва санъат идораси раиси Абдурраҳмон бин Муҳаммад ал-Увайс шундай дейди: “Кўргазма бир қанча мақсадларга, жумладан, Дубайни ушбу санъатнинг инкубатори (асосий маркази) сифатида тақдим қилишга эришишни кўзда тутади. У, шунингдек, араб тилини ривожлантириш ҳаракатларини қўллаб-қувватлаш ва унинг фойдаланилиш миқёсини барча соҳаларда кенгайтиришни мақсад қилади”.

Баҳам кўринг

Leave A Reply