Тошкент шаҳрида, балки бутун Ўзбекистонимизда шукуҳли Қуръон мусобақаси ўз якунига етди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум, азиз юртдошлар, ҳурматли опа-сингиллар!

Мана бугун нафақат Тошкент шаҳрида, балки бутун Ўзбекистонимизда шукуҳли Қуръон мусобақасининг ҳудудлараро босқичи ўз якунига етди.

Биз “muslimaat.uz” жамоаси вилоятларда ва Тошкент шаҳрида бўлиб ўтган муборак беллашувларда ҳозир бўлиб, сиз азизларга имкон қадар турли хабарлару лавҳалар етказиб беришга ва мусобақа жараёнини изчил ёритиб боришга ҳаракат қилдик. Бу борада сизни хушнуд қила олган бўлсак, биз ҳам ўзимизни мақсадга етган ҳисоблаймиз.

Биз жойлардаги Қуръон мусобақаларида бўлганимизда завқу шавққа тўлган, қўллари дуога очилган ва тилларида шукрона айланган юртдошларимизни кўрдик.

Ҳурматли Президентимиз!

Бир томондан Қуръон мусобақасини ташкиллаштирганингиз, бошқа томондан эса динимизга ва уламоларимизга қилаётган улкан эътиборингиз учун халқингиз сиздан қанчалар миннатдор эканини биласизми?! Мусобақа давомида Сизни ҳайъат аъзоларидан тортиб, оддий томошабингача ич-ичидан дуо қилаётганини-чи?! Биз эса тирик гувоҳмиз!

Сиз қанча-қанча ажру савобларга кўмиляпсиз, иншааллоҳ! Аллоҳ сиздан рози бўлсин! Зеро, Аллоҳнинг розилиги энг муҳим ва энг буюк мукофотдир...

Биз ҳам Аллоҳ таолодан ажру савоблар умидида келгусида Қуръон мусобақасининг вилоят ва республика босқичларида, қолаверса, гўзал юртимизда ўтказилиши кутилаётган халқаро Қуръон фестивалида ҳам ҳозир бўлиб, сиз азизларни беллашувлар жараёнидан хабардор қилиб бориш ниятидамиз. Аллоҳ барчамизни эзгу мақсадларимизга етказсин!

Демак, азизлар, “muslimaat.uz” билан бирга қолинг!

Ҳурмат билан “muslimaat.uz” сайти журналисти

Зуҳрахон ҲАМДАМОВА

Мавзуга оид мақолалар
  Бугун 20 июль 2018 йил санасида Россия Федерациясида Муслималарнинг жамиятдаги ижтимоий ўрни мавзусида съезд бўлиб ўтмоқда. Эртага Россия мигрантлари ижтимоий давоми...

05:05 / 20.07.2018 2271
Авваллари ишлатилиб келинган турли овоз тасмалари ҳозирги кунимизда СД шаклида бизга танишдир. Шунингдек, турли эшитиш воситалари ҳам кундан кунга янги ва қулай давоми...

08:48 / 17.02.2017 9601
Абдуллоҳ ибн Муғаффал розияллоҳу анҳу ўз ўғилларининг «Эй бор Худоё, қачонки жаннатга кирсам, жаннатнинг ўнг томонидаги оқ нарсани менга беришингни сўрайман», давоми...

09:13 / 13.12.2016 2752
Бисмиллаҳир Роҳманнир Роҳийм. Ойларнинг султони Рамазони шарифга етказган, «Рўзадорларнинг тутган рўзалари савобининг мукофотини Ўзим бераман», деган давоми...

06:18 / 14.05.2019 3015