Сўнмас зиё

0 1 089

Сўнмас зиё

(Марҳум Шайх Муҳаммад Содиқ Муҳаммад Юусуф ҳазратларига бағишланган дил изҳори)

Туғилиб пок отаю, пок онадан,
Улғайиб қувват олиб нурхонадан,
Болаликдан маърифат ҳосил қилиб,
Жамладингиз маънавий дурдонадан.

Бу ҳаётниг қадрин эрта англабон,
Покдил устозларда ирфон тинглабон,
Кўп ўқиб, таълим олиб, элни уқиб,
Чекдингиз заҳмат ҳақиқат излабон.

Аввало тақдири Ҳақ инояти,
Меҳрибон ота-она риояти,
Беназир аллома, ориф бўлдингиз,
Ушланибдир ул азизлар нияти.

Маънавият боғига боғбон бўлдингиз,
Маърифат йўлида сарбон бўлдингиз,
Илму фан гавҳарларин айлаб нисор,
Марварид, дур тўла уммон бўлдингиз.

Ҳақ йўлида халқ учун айлаб хитоб,
Нашр этиб ҳикмат тўла юзлаб китоб,
Фош этиб бузғунчи йўлларни тамом,
Англашилди элга не сув, не сароб.

Подшоҳлар сиз учун хизмат қилиб,
Не улуғлар сизни дўст, улфат билиб,
Эл, улус ихлос билан қўйди кўнгил,
Олам аҳли беқиёс ҳурмат қилиб.

Даҳр аро сиздек буюклар кам бўлур,
Қадри кўп, беҳад суюклар кам бўлур,
Ўлса ҳам ўчмас бўлиб эл кўнглида,
Жисми йўқ, номи тириклар кам бўлур.

Айрилиқнинг дардидан кўнгилда ғам,
Хаста диллар ўртаниб, кўзларда нам,
Бу жудолик зарбидан маюс бўлиб,
Йиғлади мотам тутиб, барча олам.

Жойингиз жаннатда бўлсин доимо,
Хотирангиз ёд этармиз бериё,
Маърифат осмонида порлаб мудом,
Ўчмагайсиз ҳеч қачон, «сўнмас зиё!»

Муаллиф: Сайдулло Йўлдошев
Андижон шаҳар

Баҳам кўринг

Leave A Reply