СИЗСИЗ ЕТИМ ҚОЛДИ РАМАЗОН!

0 842

СИЗСИЗ ЕТИМ ҚОЛДИ РАМАЗОН!

(Марҳум Устоз Шайх Ҳазратларига рамазон марсияси!)

Қани ўшал бахтли Он?
Сизла ўтган Рамазон?
Қалблар йиғламоқда Қон,
Сизсиз етим қолди Рамазон!

Икки йилдирки, мана,
Йўқ ул Тантана ҳамон,
Қачон ул дийдор яна?!
Сизсиз етим қолди Рамазон!

Руҳ сўрар бу Ойдан руҳий тарбия,
Дер: «Қани, У комил мураббийон ?»
Наҳот, буткул-тамом энди бария?!
Жавобга бош эгиб, тис чўкиб, ҳайрон,
Сассиз, сокин, ғамгин, тавозе ила,
Дейди: «Руҳсиз етим қолди Рамазон!»

Бўлардик завқли суҳбатдан шод,
Масжидларда доим, қоим-ёнма-ён!
Фиғонким, соғиндик, Шайхим, Рост!
Сизсиз етим қолди, етим Рамазон!

Воизлар кўплиги ҳақ, бегумон,
Тиним билмас ваъздан бир он.
Лек ҳаммада якто бир Армон,
Сизсиз етим қолди Рамазон!

Қалблар йиғлар, муддаоси Тиб,
Ҳайҳот! Энди йўқ доно Табиб?!
Қовушиб ҲАБИБГА ҲАБИБ ,
Шодон ул МУҲАММАДОН!
Сизсиз етим қолди Рамазон!

Намозларда йиғлаб Волийдан ,
Дийдорингиз сўрар Волидон ,
Живор этсин, Унда холидан !
Сизсиз етим қолди Рамазон!

Ҳа, етим қолди аҳли ислом:
Толиблар-у, ҳамма аҳли ирфон!
Тан олса-олмаса, берайбу-зонн ,
Етим қолгани рост ҳам аҳли удвон !
Сизсиз етим қолди Рамазон!

Дуо қилинг, Устоз, берсин йўлингиз:
Сурату-сийратда доимо, ҳар он!
Минг ой мисол қутлуғ Рамазон ҳақи,
Зурриёдлар бўлсин, камида Сиздек!
Мақоминингиз топиб хўб Мужаддидон ,
Такрор эгиз бўлсин Қутлуғ Рамазон!

ТЕМУРИЙ

Баҳам кўринг

Leave A Reply