Сима Азими: «У-шу» бўйича биринчи афғонистонлик аёл мураббий

0 483

манба: umma.news

Сима Азими: «У-шу» бўйича биринчи афғонистонлик аёл мураббий

  20 ёшли афғонистонлик Сима Азими аёлларни ўзларини ҳимоя қилишга ўргатади. У қобуллик аёллар учун Хитой жанг санъанти бўлмиш «У-шу» бўйича машғулотлар олиб боради.

«У-шу» – Хитой жанг санъати турларининг умумлаштирилган номи бўлиб, инсонни жисмоний ва руҳий тарафдан тарбиялайди. Афғонистон аёлларининг спорт машғулотлари билан шуғулланиши ноодатий ҳол бўлса-да, Сима жасурлик кўрсатиб, анъаналарга қарши ушбу спорт турини танлади. Унинг машғулотлари аёлларга мамлакатдаги хавфли вазиятга қарамасдан ўзларини хавфсизлик остида ҳис қилишларига ёрдам беради, деб ишонади.

«Мен икки ёшда эканман, ота-онам толибонлардан қочиб, Эронга кўчиб борди. Эронда мен олий маълумотли бўлдим, «У-шу» асосларини ўргандим. Афғонистонга қайтгач, афғон аёлларининг қанчалик ўзларига ишончини йўқотиб қўйганларини кўриб ҳайратга тушдим, шу сабабдан «У-шу» машғулотларини ташкил қилдим. Бу спорт тури инсон салоҳиятини оширишга ва ўз кучига ишонишга ўргатади», дейди ёш муслима.

Симанинг гуруҳида 20 дан ортиқ аёллар бор. Машғулотлар об-ҳаво қандай бўлишига қарамасдан Қобул шаҳридан ташқарида бўлиб ўтади. Қатнашчиларнинг мақсади халқаро даражага кўтарилишдир. Ўқувчиларнинг чаққонликларини кўриб қойил қолиш мумкин.

 

Баҳам кўринг

Leave A Reply