Бошқа давлатларда рўзанинг вақтлари

0 1 188

Муқаддас Рамазон ойи кириб келгани муносабати билан сайёрамизнинг бошқа минтақаларидa истиқомат қилаётган мусулмонлар неча соат рўза тутаётгани кўпчиликни қизиқтираётган савол бўлиб қолган, албатта. Мазкур саволга IslamNews жавоб тайёрлаб, қуйидаги маълумотларни келтирган.

Россиядан ташқари, бир кунлик рўза давомийлиги Данияда узоқ чўзилиб, ушбу давлат ҳудудидаги мусулмонлар бу йил ўртача 21 соат рўза тутмоқдалар.

Исландия, Норвегия ва Швецияда рўза давомийлиги 20 соатни ташкил этмоқда. Буюк Британия мусулмонлари тахминан 19 соат, Германия тақводорлари эса 18 соатдан сал кўпроқ вақт давомида рўза тутмоқдалар.

Рўзанинг нисбатан қисқароқ вақти бу йил Жанубий Америкада кечиб, 12 соатдан сал ошади. Австралия, Бразилия ва Чилида рўза тегишинча 12,5 соат, 13 соат ва 12 соат тутилмоқда.

Вашингтондаги мусулмонлар деярли 17 соат, Канада мусулмонлари эса 18 соатдан сал ошиқроқ вақт давомида рўза тутмоқдалар.

Саудия Арабистонида рўза 16 соатдан сал кўпроқ чўзилмоқда. Бирлашган Араб Амирликларида тахминан 15,5 соат, Қувайтда эса роса 16 соат рўза тутилмоқда.

Миср, Тунис ва Жазоир мусулмонлари ўртача 16,5 – 17,5 соат рўза тутишмоқда. Жанубий Африка Республикасида рўза давомийлиги қисқа бўлиб, атиги 12 соатни ташкил этади.

Ҳиндистон ва Покистон мусулмонлари қарийб 17 соат, Хитой диндорлари ҳам тахминан шунча вақт давомида рўза тутмоқдалар.

Таъкидлаб ўтмоқ жоизки, Россияда тутилаётган рўзанинг ўртача давомийлиги 20 соат-у, 49 дақиқани ташкил этмоқда.

Араб давлатларида рўзанинг соатлари

Саудия Арабистони – 15 соат

Жазоир – 14 соат

Фаластин – 15 соат

Баҳрайн – 15 соат

Тунис – 15 соат

Ливан – 15 соат

Қувайт – 14 соат

Қатар – 14 соат 40 дақиқа

Ливия – 14 соат

Сурия – 14 соат

Иордания – 14 соат

Бирлашган Араб Амирликлари – 14 соат 51 дақиқа

Марокаш – 14 соат

Ироқ – 14 соат

Яман – 16 соат 30 дақиқа

Судан – 14 соат

Миср – 16 соат 30 дақиқа

 

Бу йил ҳисобига кўра Яман ва Миср, араб давлатлари орасидаги энг узун вақт рўза тутадиган мамлакатлардандир.

Islomnews.ru сайтидан олиб таржима қилинган

Интернет маълумотлари асосида Абдуллоҳ Раҳимбаев

 

 

 

Баҳам кўринг

Leave A Reply