Рўмолинг муборак азиз бошингга!

0 704

Рўмолинг муборак азиз бошингга,

Ёруғ юлдузларга гулдош рўмолинг,
Попуги ярашган камон қошингга,
Қаро кунларингга кундош рўмолинг.

Қалбинг дардларининг малҳами бўлсин,

Хато-журумларнинг барҳами бўлсин,
Шоир акангнинг ҳам илҳоми бўлсин
Сирли хаёлларга сирдош рўмолинг.

Такдирнинг минг хил сир-синоати бор,
Аёлнинг давлати ― итоати бор,
Қўрқма, дуоларнинг ижобати бор.
Нозик жуссангдаги бардош рўмолинг.

Турмуш ташвишларин кўтарганингда,
Ёлғизликни секин итарганингда,
Оила ғамларин битирганингда,
Сен билан елкадош, дардкаш рўмолинг!

Сабр қил, ҳаммаси яхши бўлади,
Ҳаётинг ҳаётлар нақши бўлади.
Дўзахнинг ўтига қарши бўлади,
Жаннатда бўлади дилкаш рўмолинг!

Абдураҳим Абдул Акбар

Баҳам кўринг

Comments are closed.