Рамазонда Аллоҳнинг шиорларини муҳофаза қилинглар

0 790

    Албатта бу енгил кунлардир. Бизларга Аллоҳнинг улуғ ойи муборак Рамазон ойи кириб келаяпти. Аллоҳ субҳанаху ва таоло бу ойни муҳаббат хабарчиси, раҳмат элчиси ҳамда мағфиратни билдириш ойи бўлишини хоҳлади. Бу ой фазилатини Расулуллоҳ соллаллоҳу алайҳи ва саллам хутбасининг аввалида халққа шундай билдирди: «Эй одамлар! Сизларга буюк ой кириб келаяпти. Аллоҳ сизларга бу ойнинг рўзасини фарз қилди. Кечалари уйғоқ бўлишни сизлар учун суннат қилдим».
Сўнгра сўзларида давом этиб бу ойни кўнгил сўраш ойи экани яьни, яхшилик, бошқаларга ёрдам қўлини чўзиш ойи ва раҳм-шафқат ойи экани ҳамда бир-бири билан тортишиб қолганлар ислоҳга келадиган, узилиб қолганлар боғланадиган, дўстлик ва биродарлик туйғулари кенгаядиган ой эканини васф қилиб берди.
Мустафо соллаллоҳу алайҳи ва саллам бу ойнинг нишонларини ўз сўзлари билан  шундай васф  қилдилар: «Эй яхшилик истовчи кутиб ол. Эй ёмонлик тиловчи чеклан».
«Эй яхшилик истовчи кутиб ол», ўзинг билан Аллоҳни бандалари ўртасида меҳрибонлик алоқаларини ҳамда дўстлик ва биродарлик йўлакларини кенгайтир. «Эй ёмонлик тиловчи чеклан», Аллоҳ субҳанаҳу ва таолонинг бандаларидан зарарларингни чеклаб қўй. Инсонларга ва Аллоҳ таолонинг бирорта бандасига зулм ва озорларинг чангалини ёйишга урунмагин. Мана шу Расулуллоҳ айтган балки Рамазон ойининг нишони эканини эьлон қилган сўзининг маьносидир. «Эй яхшилик истовчи кутиб ол. Эй ёмонлик тиловчи чеклан».
Бу сўзни айтган Расул, иттифоқ қилинган саҳиҳ ҳадисдаги ушбу сўзни ҳам айнан ўзи айтган:

«Инсонларга раҳм қилмаган кишиларга Аллоҳ таоло ҳам раҳм қилмайди».

Бу муборак ойни Аллоҳ азза ва жалла яхши кўрган мазмундан бўшатиб қўйишга урунган ва бу орада бандаларига юборган марҳаматдан Рамазонни бўшатиб қўйишни хоҳлаган ҳамда Аллоҳ субханаҳу ва таоло бу ойнинг белгиси қилган меҳрибонлик ва кўнгил сўрашни йўқ қилиб буни ўрнига қўрқитиш, фитналар ҳамда уруш ва вайрон қилиш сабабларини ёйиб тарқатишни истаган кишининг натижаси нима бўлишини кўрасиз.
Рамазон оқшомларида Аллоҳ таолонинг масжидларига келиб, кейин масжидни обод қилувчи намозхонлардан холи бўм-бўш қолдириб ортига кетган кишиларнинг натижаси нима эканини кўрасиз.
Рамазон кечаларининг ҳар кечаси кўча ва ҳиёбонларга келиб у ерда ҳеч-ким қолмаганидан кейин ёки Аллоҳнинг уйларига интилувчиларни ҳаммаси хол тили билан, «Рози бўлишинг учун Мен сенга шошдим, эй Роббим»,
  (Тоҳа, 84.) деб, у ердан тарқалиб бўлганидан кейин кетадиган кишилар натижаси нима эканини кўрасиз.

Рамазон кечалари Аллоҳ таолонинг масжидларига келиб у ерни нур сочиб турган намозхонлардан бўшаб қолганидан кейин хайрлашиб уларни кузатиб масжидда қоладиганларнинг натижаси нима эканини кўрасиз.
Муборак Рамазон кечалари кўчаларда чорловчи ҳам эшитувчи ҳам қолмаганидан кейин кетадиганлар натижаси нима бўлишини кўрасиз.
Рамазон кечаларини қоим қилиш учун мусобақа қилувчилар қаерда?
Шахримиз тарихида биринчи марта бугунги кун каби Рамазонга нисбатан мана шундай холатда бўлиши мумкинми? Ҳа тарихида биринчи марта. Хатто салбчилар уруш қилган кунларда ҳам бу ойдан хайиқиб қадр-қийматини билганлар.
Рамазон келса ҳам уммат холатининг тили унга узр айтса. Масжидлар Рамазон келишига тайёр бўлмаса, кўчалар ўз чиройини зиёда қилиб Рамазонни кутиб олмаса, мана шу ақлга тўғри келадими?! 
Аллоҳнинг уйларига намоз ўқиш учун интилган одамларни бугунги кунда уйларида ушланиб қолаётганларини кўришимиз ақлга сиғадими?!
Ҳурматли биродарлар кириб келаётган Рамазонимизда масжидларни одам йўқлигидан хувиллаб қолишига сабабчи бўлиб қолманглар. Аллоҳ азза ва жалланинг уйларига мусобақалашиб борувчи кишилардан шахримиз кўчаларини бўшаб қолишининг биринчи сабабчилари бўлиб қолманглар. Аллоҳ таолонинг китобини тиловат қилувчилар овозларини ўчиб қолишига сабачи бўлманглар. Муборак Рамазон ойи асносида шахарнинг ўнг-сўлига қўрқиб қарашимизга ва гўё шахарни: «Бу йил сени бизга хеч алоқанг йўқ ва бизни ҳам сенга хеч қандай алоқамиз йўқ»- деб, Рамазонга узр айтишига сизлар сабабчи бўлманглар.
Мусулмонни бу ишга сабабчи бўлиши ақлли иш бўладими? Кейин нима учун буларни барини жиҳод номи билан қилади? Рамазон шиорларига қарши курашган жиҳодни биласизларми? Муборак ушбу ой ҳақида Мустафо соллаллоҳу алайҳи ва салламнинг «Эй яхшилик истовчи кутиб ол. Эй ёмонлик тиловчи чеклан!» — деб айтган шиорига қарши курашган жиҳодни кўрганмисизлар?
Жиҳоднинг тегирмони тинч ва хотиржам яшаётган мусулмонлар устида айланганини биласизларми? Ўз дўстларини назарга илмай уларга қарши чиқган жиҳодчини кўрганмисиз? Расулуллоҳ соллаллоҳу алайҳи ва саллам саҳиҳ ҳадисда айтади: «Умматимнинг қай бири умматимга қарши чиқиб мўмини ўзини тиймаса, уларнинг яхши ва ёмонини фарқига бормаса, аҳд эгаси вафо қилмаса, у мени умматимдан эмасдир, мен ҳам ундан эмасман».
Мен яна бир бор айтаман:
Мусулмон дўстларимиз тез орада уйғонадилар ва яқинда: Бизни сенга ҳеч алоқамиз йўқ, биз шайтон эшигида сен учун аскар эмасмиз, бизни қанчалик нодон деб ҳисобласанг ҳам сенга аскар бўлмаймиз, — деб айтадилар.

Ушбу сўзимни айтиб Аллоҳдан мағфират сўрайман.

 

Муҳаммад Саьид Рамазон ал-Бутий хутбасидан.
22-июл 2011-йил
21-Шаьбон

Эшонгузар жоме масжид имом хатиби Абдуллажон Ғуломов таржимаси.
13-июн 2015-йил

Баҳам кўринг

Leave A Reply