Рамазон рўзаси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Муборак Рамазон ойининг кечаларидан бир кеча. Бомдод намозидан олдин Холиднинг онаси саҳарлик тайёрлашга турди. Холиднинг отаси эса фарзандларига қарата қуйидагича нидо қилди: «Холид, ўғлим саҳарликка тур, Фотима, қизим, саҳарликка тур». Холид ва Фотима тетиклик билан туриб, уйқудан туриш дуосини айтдилар ва икковлари таҳорат қилдилар. Сўнгра ҳаммалари Аллоҳга икки ракъат намоз ўқиб, саҳарлик қилишга ўтирдилар.

Ота:« Албатта, Рамазон ойи буюк кароматли ойдир ва унда тутилган рўза учун Улуғ Аллоҳ ҳузурида катта ажр-савоб бордир.

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Кимки Рамазон рўзасини иймон келтириб, савоб ва яхшиликни умид қилиб тутса, унинг аввалги гуноҳлари кечирилади». (Имом Бухорий ривояти)

Фарзандларим! Ким бу ойни Аллоҳ ва Расулига иймон келтирган, Аллоҳнинг ваъдасини тасдиқлаган, рўзаси учун ёлғиз Аллоҳдан савоб умид қилган, ҳеч кимдан рўзаси учун уни мақташини ёки сусткашлик қилгани учун ёмонлашини кутмаган ҳолда рўзасини тутса, кимки бу ишни қилса, суюклиларим, Аллоҳ унинг олдинги гуноҳларини кечириб юборади». Холид: «Ҳақиқатдан ҳам отажон, бу буюк ойдир, бу ой раҳмат ва мағфират ойидир». Фотима: «Бугун Аллоҳнинг гўзал исмларидан қайсиларини ўрганамиз?» Ота:« Аллоҳнинг гўзал исмларидан: Қобиз (тутувчи, бутун мулкни қудрат қўлида тутиб турувчи)

Басит (қўйиб юборувчи, ризқларни, неъматларни, кенг қилиб қўювчи)

Холақ (ўта мукаммал яратувчи)

Ҳалим (ғазаби дарров келмайдиган, азоблашга шошилмайдиган Зот)».

Шу вақтда ҳаммалари саҳарлик қилишдан тўхтадилар ва Бомдод намози азони муборак Рамазон ойининг янги куни кирганини эълон қилган ҳолда жаранглади: Аллоҳу акбар, Аллоҳу акбар Аллоҳу акбар, Аллоҳу акбар (Аллоҳ улуғдир) Ашҳаду аллаа илаҳа иллаллоҳ Ашҳаду аллаа илаҳа иллаллоҳ (Аллоҳдан ўзга илоҳ йўқлигига гувохлик бераман) Ашҳаду анна Муҳаммадар Расулуллоҳ Ашҳаду анна Муҳаммадар Расулуллоҳ (Муҳаммад Аллоҳнинг Расули эканлигига гувоҳлик бераман) Ҳаййа ъалас солааҳ Ҳаййа ъалас солааҳ (Намозга шошилинглар) Ҳаййа ъалаа фалааҳ Ҳаййа ъалаа фалааҳ (Нажотга шошилинглар) Ассолату хойрум минан навм Ассолату хойрум минан навм (Намоз уйқудан яхшироқдир Ушбу жумла Бомдод намози вақтида айтилади) Аллоҳу акбар, Аллоҳу акбар Аллоҳу акбар, Аллоҳу акбар Лаа илааҳа иллаллоҳ!

Ҳаммалари муаззин билан у айтган нарсаларни қайтариб турдилар. Азон тўхтагач, ҳаммалари: "Аллоҳумма робба ҳазиҳид даъватит таммати вассолатил қоимати ати Муҳаммадан ал васийлата вал фазилата вабъасҳу мақомам маҳмуданиллазий ваадтаҳ».

(Аллоҳим, ушбу комил даъват ва қоим дуо Роббиси, Муҳаммад соллаллоҳу алайҳи васалламга, васийла ва фазила ато этгин ва уни ўзига ваъда қилганинг мақоми маҳмудда тирилтиргин) (Имом Бухорий ривояти) Ота: «Қани, юр Холид, намозни жамоат билан ўқиш учун масжидга чиқамиз». Масжидга кетаётганларида Холид сўради: «Масжидга намоз ўқиш учун борганимизда риоя қилишимиз керак бўлган одоблардан Набий соллаллоҳу алайҳи васаллам ўргатганлари қайсилар?» Ота: «Яхши, Холид. Аллоҳ иштиёқингни янада кўпайтирсин. Набий соллаллоҳу алайҳи васаллам ўргатган одоблардан: 1. Масжидга ўнг оёқ билан кириб:

بسم الله والصلاة والسلام على رسول الله، اللهُمَّ افْتَحْ لِي أَبْوَابَ فَضْلِكَ Бисмиллаҳи вас солату вассаламу ъала Росулиллаҳ, Аллоҳумма ифтаҳ лий абваба роҳматик Маъноси: (Аллоҳнинг исми ила, Расулуллоҳга салавоту саломлар бўлсин, Аллоҳим, менга раҳмат эшикларингни очгин) (Имом Муслим ривояти)

2. Икки ракъат «Таҳиййатул масжид» намозини ўқимагунча ўтирмаслик. 3. Баланд овозда гапирмаслик, сукунат ва виқор билан ўтириш. 4. Намоз ўқиётган кишининг олдидан ўтмаслик. 5. Намоз ва зикрлар тугагач, масжиддан чиқмоқчи бўлганимизда чап оёқ билан чиқа туриб:

باسم الله والصلاة والسلام على رسول الله اللهُمَّ إِنِّي أَسْأَلُكَ مِنْ فَضْلِكَ

«Бисмиллаҳи вас солату вас саламу ъала Росулиллаҳ Аллоҳумма инний асъалука мин фазлик»

(Аллоҳнинг исми ила, Расулуллоҳга салавоту саломлар, Аллоҳим мен сендан фазлингни сўрайман). (Имом Муслим ривояти)

Холид:« Аллоҳ хоҳласа, шу ишларни, албатта, қиламан, отажон». Холид ва отаси масжидга кирдилар, шу вақт муаззин намозга иқома, яъни такбир айтди...

Мавзуга оид мақолалар
Ассалому алайкум  Муҳтарам сайтимиз фойдаланувчилари диққатига. Сиз, азизлар учун эндиликда «instagram» ижтимоий тармоғида ҳам   insta.muslimaat.uz. манзили орқали ҳам давоми...

08:24 / 28.02.2017 4551
Савол Расулуллоҳ соллаллоҳу алайҳи васаллам Хадийжа онамиз билан неча йил бирга яшаганлар            Жавоб Расулулоҳ соллаллоҳу алайҳи васаллам Хадийжа онамиз билан 25 йил яшаганлар.

03:53 / 01.12.2017 2109
Уйдан чиқмай туриб ривожланиш мумкинми Аксарият эркаклар учун аёлининг ўсиши, маънавий ривожланиши муҳим аҳамият касб этади. Зеро, ақли расо киши ўз ёнида давоми...

01:48 / 27.08.2018 2918
Маҳсулотлар Хамирга 1,5 стакан ун, туз, 1 ошқ.қ шакар, 50 мл ўсимлик ёғи, 50 мл зайтун ёғи, 2 ош.қ. сут Ичига 5 та шафтоли, 150 гр шакар, 1 ош.қ. ун, 2 ошқ. сарёғ. Тайёрланиши давоми...

08:36 / 12.02.2017 4893