Ўзбекистонда илк марта хаттотлик фестивали бўлиб ўтмоқда

0 416

Ўзбекистон Республикаси халқ усталари, ҳунармандлари ва мусаввирлари «Ҳунарманд» уюшмаси ташаббуси билан жорий йилнинг 1–3 февраль кунлари пойтахтимиздаги «Ёшлар ижод саройи» биносида «Ҳикматлар олами» деб номланган I Республика хаттотлик фестивали ўтказилмоқда. 

Маълум қилинишича, хаттотларнинг ижодий ишларини кенг ёйиш, уларни халқимизга таништириш, ижодларини қўллаб-қувватлаш ва рағбатлантириш мақсадида ташкил этилган мазкур фестиваль доирасида 98 нафар хаттот ва ҳунармандларнинг ижодий ишлари кўргазмаси ташкил этилди.

Тўққиз нафар ҳакамлар ҳайъати томонидан холислик билан баҳоланган ижодий ишлар муаллифлари турли номинацияларда ғолибликни қўлга киритдилар. 

Фестивалнинг очилиш маросимига турли вазирлик ва идоралар, дипломатик корпуслар ва элчихоналар ходимлари, нуфузли меҳмонлар, Олий ва ўрта-махсус таълим муассасалари ўқитувчи ва талабалари, пойтахтимизда фаолият кўрсатаётган музейлар ходимлари иштирок этишди.

Муҳтарам мухлислар!
«Muslimaat.uz» сайти ушбу фестивалдан батафсил тасвирли лавҳалар тақдим этиб боради.

Баҳам кўринг

Leave A Reply