Ўзбекистон мусулмонлар идорасида Қуръон мусобақаси олдидан мажлис

0 117

  Куни кеча ЎМИ мажлислар залида «Қуръон мусобақаси – 2018” Республика босқичи олдидан ташкилий қўмита йиғилиши бўлиб ўтди.
Унда аввалги босқичлардан олинган тажрибаларга таянган ҳолда бир қанча масалалар батафсил кўриб чиқилди. Жумладан, беллашув қаерда ва қай тарзда ўтиши, унда кимлар қатнашиши, иштирокчилар, ҳакамлар, меҳмонларни кутиб олувчи отинойилар ўзларини қандай тутишлари кераклиги каби мавзуларда ўзаро келишиб олинди.
Шунингдек, иштирокчилар ва уларнинг оила аъзоларига мусобақа ўтадиган бинога киришлари учун махсус чипталар тарқатилиши айтиб ўтилди. Тадбирни тартибли ва чиройли ўтказиш бош мақсадимиздир, дейилди мажлисда. Томоша учун келадиган Қуръон мухлислари учун ташқарида катта мониторлар қўйилиши маълум қилинди. Йиғилишда Ўзбекистонда бўлиб ўтаётган Қуръон мусобақалари онлайн тарзда бутун жаҳон бўйлаб кузатилаётгани, Республика босқичида ҳам бу давом этиши ва ушбу ҳол ташкилотчилар, иштирокчилар, ҳакамлардан тортиб кузатувчилару томошабинларгача – барчанинг зиммасига катта масъулият юклаши алоҳида таъкидланди.

Зуҳрахон ҲАМДАМОВА
“muslimaat.uz” учун махсус тайёрлади.

Баҳам кўринг

Leave A Reply