Дунёдаги илк ўзига хос нашид ёзиш студияси

0 123

Буюк Британияда 20 ёшли талаба София Хафижи мусиқасиз нашидаларга ихтисослашган илк овоз ёзиш студиясини очди. У янги иш бошлаган тадбиркорлар учун мўлжалланган грантни қўлга киритишга муваффақ бўлди. Айни пайтда бу муслима жаҳон мусулмон жамияти орасидан талантларни изламоқда ва шу мақсадда танлов эълон қилган. Унинг якуний натижаларига кўра ғолиб билан шартнома тузилади.

«Бизнинг мақсадимиз иқтидорли ёшларни қўллаб-қувватлаш ҳамда улар учун пойдевор яратиб беришдан иборат, токи бутун дунё мусулмонлари бундан баҳраманд бўла олсинлар», дейди Сафия Хафижи.

Нашидлар деганда Аллоҳ таолони мадҳ қилувчи исломий қўшиқлар тушунилади. Унинг шеърлари нафақат араб тилида, балки исталган бошқа тилларда ҳам ёзилиши мумкин.

Нашид ижрочилари аксар ҳолатларда эркаклар бўлса-да, баъзан болалар ҳам нашид айтишади. Бугунги кунда бундай асарлар тобора оммалашиб бормоқда. Улар асосан исломий тадбир ва байрамларда ижро этилмоқда.

Шуни ҳам таъкидлаш лозимки, бу каби композициялар исломий ижтимоий роликларда фон сифатида ишлатиладиган мусиқаларга яхши ўринбосар бўла олади.

Баҳам кўринг

Leave A Reply