Омина журналининг махсус сонини ўқиб…

0 832

Ассалому алайкум muslimaat.uz сайтида ўз хизматларини бекаму кўст адо этиб, фаолият юритиб келаётган мўмина, муслима опа-сингиллар! Аллоҳ динимиз йўлида қилаётган ҳар бир ишингизга ажр-мукофотлар, савоблар ёзган бўлсин! Сизларга ташаккурлар бўлсин! Омина 1437 хотира сони биз каби бир қанча мухлисларга жуда ҳам манзур бўлди. Сизларни саъй-ҳаракатингиз туфайли Ҳазрат ҳақидаги хотиралар ва бир қанча маълумотлар билан танишиб чиқишга мушарраф бўлганимиздан бағоят хурсанд бўлдик!

Шу фурсатдан фойдаланиб сизларга ва шу ишда ўз ҳиссасини қўшган барча muslimaat.uz сайтининг  аёллар жамоасини табриклашга ижозат бергайсиз. Бу мавзу бизлар учун катта бир кутилмаган совға бўлди ва ҳаётимизда илк бор шу нарсани ҳис қилдикки, Шайх Ҳазратлари оламдан ўтганларига 1йилдан ошган бўлсада ва у кишини эслаб хотиралаганимизда «марҳум» деган сўзни ишлатсакда, лекин қалбларимизда ҳаёт эканликларини ва у кишини кўп суҳбатларида, зиёратларида бўлганимиз учунми, балки китобларини мутолаа қилиб турганимиз сабаблими, ҳали ҳануз у зотни вафот этганликларини қабул қила олганимиз йўқ… Аллоҳ у кишини ўз раҳматига олган бўлсин ва ётган жойларини жаннат боғчаларидан бир боғча қилиб, қабрларини нурга тўлдирсин! Ҳақиқатдан ҳам у кишини ҳаётлари, ҳар бир сўзлари ибратли ва ёзган китоблари бизларга катта сабоқ, халқимиз учун эса улкан мерос бўлди. Бунга ҳеч шак-шубҳа йўқ! Ҳаётимда қариндош-уруғларим, яқинларимдан айрилганман, лекин бирортасида Шайх ҳазратларини йўқотишдек бир айрилиқни ҳис қилмаган эканман. Яна бир нарсани англаб етдимки, Аллоҳ таоло ўз китобида «Ўлганларни ўлик» демангиз, балки «улар тирикдирлар» деган маънодаги оятни яхши тушуна олмас эдим, энди тушуниб етдим. Шайх Ҳазратлари мана шу оятга мувофиқ келганликлари туфайли у кишини «ўлган» дея олмас эканмиз. Сизларга яна бир бор ташаккур! Аллоҳ таоло келгуси ишларингизда ҳам ўзи ёрдамчи бўлсин! Нима орзу ниятларингиз бўлса амалга ошишини насиб қилган бўлсин!

Ассалому алайкум ва раҳматуллоҳи барокатуҳ
Хусайн Назар

Баҳам кўринг

Leave A Reply