Не учун динингдан кечдинг, биродар?

0 654

 Ўзингни шунчалар айладингми хор?

Инсонда бўлмасми виждон, номус, ор?

Ёруғлик турганда зулматда не бор?

 Не учун динингдан кечдинг, биродар?

 

Отанг ҳам, онанг ҳам мўмин-мусулмон.

Бор эди сенинг ҳам қалбингда иймон,

Энди-чи, шайтонга қулсан бегумон.

Не учун динингдан кечдинг, биродар?

 

Кўмдилар Билолни қайнаган қумга,

Жуда кўп машаққат етказди унга.

Динидан кечмади, ҳатто бир зумга,

Не учун динингдан кечдинг, биродар?

 

Адашган гуруҳга бўлибсан аъзо,

Бу дунё-у дунё оларсан жазо.

Ўлсанг, ўқилмагай сенга жаноза,

Не учун динингдан кечдинг, биродар?

 

Хақиқий дин эрур Ислом динимиз,

Мўминлар барчамиз оға-инимиз.

Қолмасин бошқа бир динга кунимиз,

Не учун динингдан кечдинг, биродар?

 

Тириксан, ҳали бор озгина вақтинг,

«Ла илаҳа иллаллоҳ», десанг, шу – бахтинг.

Дўзахда ёнмайсан – жаннатда тахтинг,

Тавҳид калимасин айтгин, биродар.

Не учун динингдан кечдинг, биродар?

Баҳам кўринг

Comments are closed.