Жаннатда уй бино қилиш учун нима қилиш керак?

МаслаҳатларМавзу: Динда саволим борЖаннатда уй бино қилиш учун нима қилиш керак?
Номаълум сўради 1 йил аввал

Ассалому алайкум! «Субҳаналлоҳи валҳамдулиллаҳи ва ла илаҳа иллаллоҳу валлоҳу акбар ва ла ҳавла вала қуввата илла биллаҳил алийул аъзим» тасбеҳи ҳар бир айтилганида жаннатда бир дарахт экилар экан. Жаннатда уй бино бўлиши учун ва сиддиқ -обид одамларга жаннатда қўшни бўлиш учун қайси сурани кўп ўқиш ва қайси тасбеҳни кўп айтиш керак ? Сиз Ҳазратдан қолган нур ва қоронғуликда биз учун чироқсиз. Сизни ва онангизни жуда яхши кўрамиз, кўрмаган бўлсак ҳам. Ин шаа Аллоҳ сизни кўриш насиб этсин. Жавобингиз учун аввалдан ташаккур.

1 жавоб
Odinaxon Muhammad Yusuf Маъмурият жавоб берди 1 йил аввал

Ва алайкум асссалом. Жаннатда уй бино бўлишига сабаб бўладиган амаллар кўп, масжид қуриш, боласига мусибат етганда ҳамд ва истиржоъ айтишга ўхшаш. Ихлос сурасини охиригача ўн марта ўқиш ҳам жаннатда бир уй бино бўлишига сабаб бўлиши маъноси ҳадиси шарифда келган. Набий, сиддиқ ва шаҳидлар билан бирга бўлиш учун Қуръони Каримда айтилганидек Аллоҳга ва унинг Расулига итоатда бўлиш керак. Валлоҳу аълам.

Баҳам кўринг