Икки аёлга уйланмоқчиман

МаслаҳатларМавзу: Динда саволим борИкки аёлга уйланмоқчиман
Номаълум сўради 1 йил аввал

Ассалому алайкум. Саволим қуйидагича: мен мусофир юртдаман, ҳали оила қурмаганман, оилада ёлғиз фарзандман. Мана 5 йилдирки мусофирчиликда юраман. Шу ерда юриб, бир муслима билан танишиб қолганман. Лекин у муслима оила қуриб, ажрашган. Мен ҳолис ният билан у муслимани ўз никоҳимга олмоқчиман. Лекин буни ота- онамга билдирмасликка ҳаракат қиляпман, чунки ота- онам буни билса, норози бўлишлиги аниқ. Шунинг учун муслимани никоҳимга олиб, ота-онам айтган қизга ҳам уйланмоқчиман. Иккаласига тенг қарашга, бир хил муомала қилишга кўзим етяпти. Мен тўғри қиляпманми? Илтимос, саволимга жавоб берсангиз.

1 жавоб
Odinaxon Muhammad Yusuf Маъмурият жавоб берди 1 йил аввал

Ва алайкум ассалом. Аввалам бор истихора қилинг. Сиз ҳали оила қурмагансиз, оилани таъминлаш машаққатини, муросасини ҳали яхши билмайсиз. Бу сиз ўйлагандек осон бўлмаслиги мумкин. Шунга истихора қилинг, тажрибали инсонлар билан маслаҳатлашинг. Яхшилаб ўйлаб кўринг. Валлоҳу аълам.

Баҳам кўринг