Савол: Ҳижобли аёл ялангоёқ юрса бўладими?

МаслаҳатларМавзу: Динда саволим борСавол: Ҳижобли аёл ялангоёқ юрса бўладими?
Номаълум сўради 2 йил аввал

Ассалому алайкум! Яқинда савол жавоблар орасида ўқиб қолдим.
Савол: Аёл киши ялангоёқ намоз ўқиса бўладими?
Жавоб: Агар намозда киядиган кийимининг этаклари узун бўлиб, оёқлари кўринмайдиган бўлса, зарари йўқ. Ҳанафий мазҳабига кўра аёлларнинг кафт ва юзларидан бошқа барча аъзолари: билаклари, сочлари ва оёқларининг таги намозда аврат ҳисобланади.
Саволимнинг мазмуни қуйидагилардан иборат:
Оёқ таги панжаси фақатгина намоз вақтида аврат ҳисобланадими?
Мен ҳам ҳижобдаман. Лекин учи очиқ оёқ кийимларда юрибман (кўпчилик қатори). Кийилган кийим, пайпоқ ёки оёқ учларигача ёпиқ бўлмаса ҳам ҳижоб тўлиқ ҳисобланадими?
Жавобингиз учун олдиндан раҳмат.

1 жавоб
Odinaxon Muhammad Yusuf Маъмурият жавоб берди 2 йил аввал

Ва алайкум ассалом.
Ҳур аёлнинг жамики бадани авратдир. Юз, икки қўл ва оёқ(нинг тўпиқдан пасти) бундан мустасно.
Бу ҳукмнинг далиллари:
Аллоҳ таоло Нур сурасида:

«Мўминаларга айт: «Кўзларини тийсинлар, фаржларини сақласинлар ва зийнатларини кўрсатмасинлар, зоҳир бўлгани мустасно. Рўмолларини кўксларига тўсиб юрсинлар», деган (31-оят).
«Зоҳир бўлган зийнатлар» деганда намозда юз, икки қадам ва икки кафт англанади. Намоздан ташқарида икки қадам ҳам авратдир.
Ҳанафий мазҳабида ихтиёр қилинган фатвога кўра, аёл кишининг қадами, яъни тўпиқдан пастги қисми намозда ҳам, ташқарида ҳам аврат эмас. Аммо кейинги давр ҳанафий уламолари уни номаҳрамларнинг кўзидан тўсиш лозим, дейишган. Валлоҳу аълам.

Баҳам кўринг