Фиқҳ

Bintu Mirzaulug`bek сўради 1 йил аввал

Ассалом алайкум! Устоз Одинахон опа Муҳаммад Юсуф . Сиздан бир долзарб мавзу юзасидан сўрамоқчи эдим. Оиламни диндан ҳабари камроқ. СССР пайтида ўқиб ўрганиш иложи бўлмаган. Шунга бўлса керак баъзида қийинчилик, катта ташвиш ва йўқотишлар бўлган кун ўқитишга боришган. Буни иссиқ-совуқдан дейишган ва қайтарувлар қилишган. Мен бу ишдан қанча қайтарсам ҳам фойдаси бўлмади. Аксинча мени ҳам оборишарди. Баъзида черков сувини сепишарди, товуқни сўйиб қонини суркашарди, гармдори ёқишарди. Кеча расмимни ҳам русга ўқитишипти. Уларнинг бу ишларини менга зарари йуқми? Мен ҳам гуноҳкор бўлиб қолмайманми? Онам бир оз вақт намоз ўқиб юриб кейин ҳар-хил баҳоналар билан ўқимай қўйдилар. Отам ўқийди. Ўзим  ибодатдаман. Ҳижоб ўрайман десам рухсат беришмайди. Агар ўрасанг ўқишга ҳам, ишга ҳам қўйишмайди дейишади. Турмушга чиққандан кейин ўрайверар эканман. Мен қандай йўл тутай? Маслаҳат беринг илтимос.

1 жавоб
Odinaxon Muhammad Yusuf Маъмурият жавоб берди 1 йил аввал

Ва алайкум ассалом. Аллоҳ қалбингизни очганига шукр. Шундай ҳолатларга сабр қилиб, ибодатларингизда бардавом бўлаётганингизга кўп ажр савоб оласиз, ин шаа Аллоҳ. Бунақа ҳолатлар аввалдан бор, доим бўлган. Ҳидоятга йўллаш Аллоҳнинг иши. Биз эса дуо қилиб Аллоҳдан сўрайверамиз. Ўзидан сўрасангиз, Ўзига суянсангиз, енгиллик бўлади, ин шаа Аллоҳ. Аллоҳ осон қилсин. Биз ҳам дуо қиламиз. Валлоҳу аълам.

Баҳам кўринг