Ҳуфтон намози

Fotima сўради 2 ой аввал

Ассалому алайкум! Мен намозларимни ўз вақтида ўқийман. Ҳар куни кам-камдан бўлсада илмимни оширишга ҳаракат қиламан. Аллоҳга шукурлар бўлсинким дуоларим мустажоб. Лекин ҳозирги кунда ёш болаликман. Кундалик вирдларимни ўз вақтида қилишимга қарамасдан хуфтон намозимни хотиржам тарк этиб қўйяпман. Нима қилай? Маслаҳат беринг, илтимос.

1 жавоб
Odinaxon Muhammad Yusuf Маъмурият жавоб берди 2 ой аввал

Ва алайкум ассалом!

Намозларни қазо қилиш касали


— Кимга намоз фарз бўлса-ю уни вақтида адо этмаса, қазосини ўқиши лозим бўлади. У намозни қасддан тарк қилиш ила гуноҳкор бўлади, аммо қазосини ўқиш лозимдир.
Анас розияллоҳу анҳудан ривоят қилинади:
«Набий соллаллоҳу алайҳи васаллам:
«Ким намозни унутса, бас, уни эслаган заҳоти ўқиб олсин. Унинг бундан бошқа каффороти йўқдир», дедилар». «…Мени зикр этиш учун намозни тўкис адо эт».
Бешовлари ривоят қилишган.
Муслимнинг ривоятида:
«Агар бирортангиз намоздан ухлаб ёки ғофил қолса, бас, уни эслаган заҳоти ўқиб олсин. Чунки Аллоҳ: «…Мени зикр этиш учун намозни тўкис адо эт», деган», дейилган.
Унутган ва ухлаб қолган одам намознинг қазосини ўқиши лозим бўлганидан кейин, қасддан қолдирган одамга уни қазо қилиш, албатта, лозиму лобуд бўлади.
Валлоҳу аълам!

Баҳам кўринг