Ҳаром

Iroda сўради 4 ой аввал

Ассалому алайкум! Кечагина падари бузрукворим »қиз бола отаси билан қучоқлашиб кўришиши мумкин эмас экан, акс ҳолда ота-бола бир-бирига ҳаром бўлиб қолар экан дедилар». Илтимос, шу ҳадисда келтирилган бўлса ойдинлик киритиб беринг. Қиз болага эрдан ташқари маҳрамларга кимлар киради? Аллоҳ ўзи рози бўлсин!

1 жавоб
Odinaxon Muhammad Yusuf Маъмурият жавоб берди 4 ой аввал

Ва алайкум ассалом! Ота бола бир бирига ҳаром бўлиб қолмайди. Ҳанафий мазҳаби бўйича, ота шаҳват ила қизини ўпса ёки аъзоларини ушласа, аёли, яъни қизнинг онаси ҳаром бўлади. Бу ҳанафий олимларинг ижтиҳоди.
Аллоҳ таоло «Аҳзоб» сурасининг 55- оятида марҳамат қилади:
Уларга ўз оталари, ўғиллари, ака-укалари, ака-укаларининг ўғиллари, опа-сингилларнинг ўғиллари, ўз аёллари ва қўллари остида мулк бўлган(қул)лари ҳақида гуноҳ йўқдир. (Эй, Пайғамбар аёллари,) Аллоҳга тақво қилинглар. Албатта, Аллоҳ ҳар бир нарсага шоҳид Зотдир.
Ушбу ояти каримада зикр қилинган шахслар оналаримиз билан парда – ҳижоб ортидан туриб эмас, ҳижобсиз муомала қилаверишлари мумкин. Оятда амакилар ва тоғалар зикр этилмасалар ҳам, худди шу тоифага киришларини уламоларимиз айтиб ўтганлар. «Оталари» жумласига боболари, амакилари ва тоғалари ҳам қўшилади, деганлар. Валлоҳу аълам!

Баҳам кўринг