Қазо рўза

Akifa сўради 1 йил аввал

Ассалому алайкум Одинахон опа! Қилаётган хайрли ишларингиздан Аллоҳ таоло рози бўлсин. Саволим қазо рўзалар ҳақида. Мен бир китобда «қазо рўзалари бор одам нафл рўза тутиши макруҳ» деб ўқигандим. Кейин қайси китобда, қаерида ўқиганимни топа олмадим. Мен 1996 йилман, шу йил Рамазон рўзасини тўлиқ фазилатларини тушуниб, тутишни бошладим. Қазо рўзаларимни тутиб олмоқчиман, 9 ёшимдан хисоблайманми ёки биринчи ҳайз кўрилган ёшдан ҳисоблайманми, шуни билмаяпман. Агар биринчи ҳайздан хисобланса, мен неча ёшимда ҳайз кўрганимни эслолмайман. Қазо рўзаларда қандай ният қиламан? Ва яна бир саволим, мен тушгача дарсда бўламан, уйга келгунимча менга овқат олиб қўйишади, масалан мен қазо рўзаларимни тутиб юрганимни билдирмаслик учун хамда уйдагиларим «оч юрибди» деб хавотирланмасликлари учун овқат еб ол дейишганида «ўқишда еб келдим» десам бўладими? Чунки онам жудаям хавотирчан аёл, шунақа десам улар тинч ўтиришади. Ёки бу хам ёлғонга кирадими? Уйдагиларим нотўғри тушуниб қолишмасин деб ҳам қўрқяпман…

1 жавоб
Odinaxon Muhammad Yusuf Маъмурият жавоб берди 12 ой аввал

Ва алайкум ассалом. Балоғат ёшига етгандан кейин рўза тутиш фарз бўлади. Балоғатга етишнинг энг катта аломати қиз болалар учун ҳайз кўришдир. Сиз яхшилаб эслашга ҳаракат қилинг. Одатда ҳар бир аёл қачон илк бор ҳайз кўрганини эсда тутади. Бўлмаса, тахминан ҳисоблаб қарз рўзаларингизни тутиб бораверасиз. Уйдагиларга бу ҳолатни тўғри тушунтиринг, ёлғон гапириш керак эмас. Валлоҳу аълам.

Баҳам кўринг