Ҳаж амаллари

Номаълум сўради 1 йил аввал

Ассалому алайкум. Ҳаж амалларини бажаришга борган муслималар ҳижобга ўранган, яъни авратлари беркитилган ҳолда бўлади. Лекин эркаклар ярим яланғоч оқ сурпга ўраниб олишади ва белларидан тепаси, елкалари, кўкраклари, қорнигача очиқ туради. Саволим: Эркакларда чегараланган аврат қисми борми?  Муслима аёлларга номаҳрам эркакларни очиқ баданига кўзи тушиши ёки ўша ярим яланғоч номаҳрам эркаклар билан бир гуруҳ бўлиб, ҳаж амалларини бажаришга шаъриатда аниқ хужжатлар келтирилганми?

1 жавоб
Odinaxon Muhammad Yusuf Маъмурият жавоб берди 1 йил аввал

Ва алайкум ассалом. Аллоҳга шукрлар бўлсин, ҳозирда шариатимизни ўрганиш учун китоблар, сайт маълумотлари анча кўпайиб қолди. Ҳажга оид китобларни, мақолаларини ўқиб борганингизда ушбу саволларингизга жавоб топардингиз албатта. Албатта бутун олам ҳужжатсиз ва далилсиз ҳаж амалини бажариш учун бундай ҳолатда бўлиб олмайди. Расулуллоҳ соллаллоҳу алайҳи васаллам шундай қилиб эҳром боғлаганлар. Эркакнинг аврати киндикдан тиззагача, эркаклар учун ҳам, аёллар учун ҳам. Муслима аёлнинг муслима аёлга нисбатан аврати ҳам шундай. Энди сизга ғаройиб туюлган ҳаждаги эркакнинг эҳром либоси, икки бўлак мато авратни беркитади албатта. Эҳромда бундай ҳолатда бўлиш жуда катта ҳикмат ва маънога эга. Ҳаж ибодатини ният қилган одам дунё матоҳларидан тамоман холи бўлган ҳолатда икки дона матога ўралади, худди кафанлик каби. Бунда тарки дунё қилиш ва ҳокисор ҳолда Аллоҳга юзланиш бор. Аммо аёлларнинг юз-қўлларидан бошқа ҳамма аъзоси аврат эканлиги сабабидан, уларга кийим кийишга рухсат берилган. Эркак ва аёлларнинг Ҳаж ибодатида бундай кўринишда бўлишларининг ҳикматини билиш керак. Валлоҳу аълам.

Баҳам кўринг