“Жойнамозингни баралла кўтар!”
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сарлавҳани ўқиб, ҳайрон бўлгандирсиз-а?!

“Муслимаат.уз” сайти ходималари Андижон вилоятидаги Қуръон қироати мусобақаси ўз ниҳоясига етгач, шомдан кейин Наманган сари йўлга чиқишди ва шаҳардаги “Туркистон” меҳмонхонасига келиб тушдилар. Меҳмонхонада ўзимиз гувоҳ бўлган ва бизни ажаблантирган ҳолат ҳақида алоҳида тўхталиб ўтишни лозим кўрдик.

Тўғри, ушбу меҳмонхона шароитлари жиҳатидан бизни унча қониқтирмади. Аммо бошқа меҳмонхоналарда кузатилмаган бир ҳолат унинг бу “айбини” ювиб кетади, десак, муболаға бўлмайди.

“Туркистон”нинг меҳмонларни қабул қилиб олиш жойидаги махсус ерга порали Қуръони Карим, ҳазрат Муҳаммад Содиқ Муҳаммад Юсуф раҳимаҳуллоҳнинг китоблари ва, шунингдек, жойнамозлар қўйиб қўйилган эди. Бир пайтлар хонасидан жойнамоз чиққани учун ёпилиб кетган меҳмонхона қайда-ю, биз сизга гувоҳи бўлган ҳолда қувониб хабар қилган ҳолат қайда!?

Роббимга чексиз шукрлар айтиб, давлатимиз раҳбари Шавкат Мирзиёевни ичимда дуо қиламан. Ҳурматли Президентимиз, бир томондан Қуръон мусобақасини ташкиллаштирганингиз учун, бошқа томондан эса динимиз борасида улкан тўсиқларни олиб ташлаётганингиз учун халқингиз сиздан қанчалар миннатдор эканини биласизми?! Мусобақа давомида сизни ҳайъат аъзоларидан тортиб, оддий томошабингача ич-ичидан дуо қилаётганини-чи?! Биз эса тирик гувоҳмиз! Сиз қанча-қанча ажру савобларга кўмиляпсиз, иншааллоҳ. Аллоҳ сиздан рози бўлсин! Зеро, Аллоҳнинг розилиги энг муҳим ва энг буюк мукофотдир.

Зуҳрахон Ҳамдамова

Мавзуга оид мақолалар
Бисмиллаҳир Романир Роҳим Алҳамду лиллаҳи Роббил аламийн, вассолату вассаламу ала хойри холқиҳи Муҳаммадин ва ала алиҳи ва соҳбиҳи ажмаин. Ассалому алайкум ва давоми...

10:44 / 13.12.2016 3466
ФранкоМалия футболчиси Фредерик Умар Кануте йирик Eвропа клублари бўлган Лион ва Тоттенхэм ҳужумчиси бўлган ўз фаолиятини тамомлагач, хайрсаховат ишлари давоми...

11:00 / 26.08.2019 1777
Болалар ва компьютер бирбирига мувофиқми Бу, албатта, қуйидаги вазиятларга боғлиқ. Бир тарафдан, компьютер ёрдамида биз суратларни ҳаракатлантириб, сўзларнинг давоми...

10:31 / 13.12.2016 3152
Тақдиримга таъсир қилган профиль 2 қисм Роса ҳаракат қилдим. Лекин профилимни ёпишга негадир қўлим бормади. Бир кўнглим ахир ўзим шуни тушуниб турибманку, ўз давоми...

08:43 / 28.02.2017 5593