Жинлардан бўлган бир чақирувчи тўғрисида ҳикоя

0 2 537

              Жинлардан бўлган бир чақирувчи тўғрисида ҳикоя

Аббос ибни Рошиддан ривоят қилинади. У киши айтдилар: Умар ибни Абдулазиз уйимизга тушдилар, жўнаб кетаётганларида ҳожам менга: «улар билан бирга чиқинг ва кузатиб қўйинг», дедилар. Бас улар билан бирга чиқдим. Бир водийдан ўтиб бораётганимизда йўл устида ўлиб ётган илонга дуч келдик. (ҳикоя қилаётган киши айтди) Улар тушдилар ва уни бир четга олдилар ва дафн қилдилар. Сўнг уловларига миндилар ва юрдик. Шу он ғойибдан бир овозни эшитдик ва у «Эй хорқо! Эй хорқо!» деб айтарди. Ўнг ва чапга ўгрилиб қарадик, ҳеч кимни кўрмадик. Шунда Умар: Аллоҳ номи билан сўрайман, эй чақирувчи! Агар кўринадиганлардан бўлсанг кўринмайсанми ва ҳарқо нималигини хабарини бермайсанми?- дедилар. Бас у айтди: Ҳарқо сизлар фалон жойга дафн қилган илондир. Мен Расулуллоҳ соллаллоҳу алайҳи васаллам кунлардан бир куни унга:  «Эй, ҳарқо ! Ердан чўлда вафот этгайдурсан, сени ўша пайтдаги ер аҳлининг энг яхши мўмини дафн қилгай»- деганларини эшитганман деди. Бас, Умар унга: Аллоҳ сени раҳмат қилсин, сен кимсан? – дедилар. Мен Расулуллоҳ соллаллоҳу алайҳи васалламга шу водийда байъат берган тўққизтадан биттасиман – деди.            (Аҳқоф сураси)

«Аллоҳ! Айнан сен буни Расулуллоҳдан эшитганмисан» дедилар. Аллоҳ! Албатта мен буни Расулуллоҳдан эшитганман, деди. Шу он Умарнинг кўзлари ёшланди ва биз жўнаб кетдик. Бошқа бир ривоятда: Умар йиғладилар ҳатто уловларидан йиқила ёздилар ва «эй Рошид Аллоҳ номи билан ила сўрайман, тупроқ мени ўз ичига олмагунича бу ҳақида ҳеч кимга хабар берма» дедилар.  

Умму Жаъфар

Баҳам кўринг

Leave A Reply