Жанубий Кореяда очилган масжидга шайх Муҳаммад Содиқ Муҳаммад Юсуф ҳазратларининг номлари берилди

0 1 589

Ҳозиргина хабар қилинишича, кечагина Жанубий Кореяда очилган, у ердаги юртдошларимиз учун Ўзбекистондан имом-хатиб тайинланган масжидга шайх Муҳаммад Содиқ Муҳаммад Юсуф ҳазратларининг номлари қўйилибди.

Дарҳақиқат, шайх ҳазратлари бу узоқ ўлкадаги ватандошларимиз, диндошларимизнинг ҳам ғамини еб, чинакам олим, ҳақиқий устоз сифатида у ердаги масжиднинг соф Ислом, соф ақийда асосида фаолият юритишига астойдил ҳаракат қилдилар, шахсан бош-қош бўлдилар. Улуғ устозимиз пайғамбарларнинг чинакам вориси сифатида умрларини Исломга хизмат қилиб, илм-маърифат тарқатишга бағишлаган эдилар. Ўзларидан ҳам бир олам беназир илмий мерос ва ишларини давом эттиражак шогирдлари қолди. Мана, Исломни ўрганиш ва ўргатиш ишлари узоқ ўлкаларда ҳам давом этаётганига яна бир намунанинг гувоҳи бўлиб турибмиз. Кожедодаги ушбу масжид бундан буён шайх Муҳаммад Содиқ Муҳаммад Юсуф ҳазратларининг номлари остида расмий равишда фаолият кўрсатадиган бўлди.
Аллоҳ таоло улуғ алломамиз, буюк устозимиз шайх Муҳаммад Содиқ Муҳаммад Юсуф ҳазратларининг қилган барча солиҳ амалларига беҳисоб ажру мукофотлар ато этиб, олим бандаларига ваъда қилган абадий неъматларига буркасин!

info.islom.uz сайтидан олинди

Баҳам кўринг

Leave A Reply